တန်ဖိုး

တွေးထားတာတွေ ရေးစရာတွေတော့ အများသား ။ အချိန်က ခက်ခဲလို့ နေပြန်တော့တယ် ။ အချိန်ပေါခဲ့ပြန်တော့လည်း အတွေးက ပျောက် နေ ပြန်တယ် ။ ဒီလိုနဲ့ စာမရေးဖြစ်တာ အတော် လေးကြာခဲ့ပြီပေါ့ ။ ခုတော့ တန်ဖိုးဆိုတဲ့ခေါင်းစဉ်လေးကို မအားမလပ်တဲ့ကြားက ကြိုးစားလို့ရေး လိုက် ပါတယ် ။

တန်ဖုိးဆိုတွေတဲ့ အတွေးလေးကို ပေးခဲ့ကြတာက မသုံးမ ပါ ။ ညီမအရွယ် မိန်းမပျို သုံး ယောက် ဆိုပါတော့ ။ သူတို့နဲ့ပါတ်သက်တာလေး မရေးခင် တန်ဖိုးဆိုတာလေး ဆွေးနွေး ကြည့် ရအောင် ။

တန်ဖိုးဆိုတာ လူတွေကြားက မွေးဖွားလာတဲ့ ခံစားမှု အသုံးအနှုန်းတစ်ခုပါ ။ ဟုတ်တယ် ။ တိရိစ္ဆာန်တွေကို ကြည့်ကြည့် ။ လူတွေလို စကား လုံးဝေါဟာရ မဖန်တီးတတ်ကြသော်ငြား သူတို့ အချစ်ကို ခံစားတတ်ကြတယ် ။ ကာမသက်သက်လည်း ပျော်မွေ့တတ်ကြတယ် ။ အကြင်နာ လည်း ထားတတ်ကြတယ် ။ သူတို့မှာမခံစားတတ်တာ တန်ဖိုးပဲ ။

တန်ဖိုးဆိုတာ လူတွေကပဲ သတ်မှတ်ကြတာဖြစ်ပါတယ် ။ လူအမျိုးမျိုး စိတ်အထွေထွေတဲ့ ။ လူအများကြားမှာ တန်ဖိုးသတ်မှတ်မှု အဆင့်ကွဲပြား တတ်ကြသေးတယ် ။ အကြောင်းအရာ တစ်ခုကို လူတစ်ယောက်က တယုတယ အသက်တမျှ တန်ဖိုးထားပေမယ့် အခြားသူတစ်ဦးတစ်ယောက် အတွက်တော့ ပမွှားလောက်ပဲ သဘောထားတတ်ကြပြန်ရော ။

စည်းကမ်းသည် လူ့တန်ဖိုးတဲ့ ။ စည်းကမ်းသတ်မှတ်ချက်တွေကလည်း လူတစ်ဦးနဲ့တစ်ဦး ၊ လူမျိုးတစ်မျိုးနဲ့တစ်မျိုး မတူကွဲပြား ခြားနား တတ် ပြန်ရော ။ ဒီတော့ တန်ဖိုးဆိုတာ အလကား လို့ ထင်မှတ်မှားစရာတွေကလည်း ဖြစ်ပေါ်တတ်ပြန်ပါရော ။လူတွေက သတ်မှတ်တဲ့စည်း ကမ်း၊ လူ တွေကသတ်မှတ်တဲ့ တန်ဖိုး (အထူးသဖြင့် ခုပြောချင်တာ လူ့တန်ဖိုးပဲဖြစ်ပါတယ်)
ဘာကြောင့်များ မတူဖြစ်ရတာပါလဲ ။

အသားဖြူပဲဖြစ်ဖြစ် အသားညိုပဲဖြစ်ဖြစ် အသားဝါပဲဖြစ်ဖြစ် အသားမည်းမည်းပဲဖြစ်ဖြစ် လူသည် လူသာလျှင်ဖြစ်ပါတယ် ။ မူလပကတိ အခြေအ နေ မှာ လူသည် တန်းတူညီတူ အားလုံးတူတူပဲ ဖြစ်ပါတယ် ။ ဒါဆို လူချင်းတူတူ ဘာလို့များ အဆင့်အတန်းသတ်မှတ်ချက် တွေက ရှိနေရတာ လဲ ။

လူ့တန်ဖိုးအဆင့်အတန်းကို လူတွေ ဘယ်လိုများ ခွဲခြား ကြည့်မြင်တတ်ကြပါသလဲ ။ ဥစ္စာဓန နှင့် ရာထူးဂုဏ် ရှိန် ကွဲပြားမှု အပေါ် မူတည်ပြီး တော့ ခွဲခြားကြတာလည်း ရှိရဲ့ ။ ဒါကို အပေါ်ယံအကာလို့လည်း ဆိုကြပါရဲ့ ။ ဥစ္စာဓန နှင့် ရာထူးဂုဏ်ရှိန်ဆိုတာလည်း လင်မယားလိုပါပဲ ။ အပြန်အလှန် အမှီသဟဲ ပြုနေကြပါတယ် ။

နောက် ကိုယ့်ကျင့်သိက္ခာ နှင့် ပညာ အဆင့်အတန်းပေါ် မူတည်ပြီး ခွဲခြားတာလည်း ရှိရဲ့ ။ ဒါကိုတော့ တကယ့်လူ့တန်ဖိုး အနှစ်လို့ ဆိုကြပါတယ် ။ ကိုယ့်ကျင့်သိက္ခာ နဲ့ ပညာဆိုတာက လည်း အညမည သဘောပါပဲ ။ ကိုယ့်ကျင့်သိက္ခာ မငဲ့တဲ့ပညာ  ဒါမှမဟုတ် ပညာမရှိတဲ့ ကိုယ့်ကျင့် သိက္ခာ ဆိုတာမျိုးကလည်း ပြည့်ဝတဲ့လူ့တန်ဖိုးကို မဖော်ဆောင်နိုင်လေပါဘူး ။

လောကီနယ်ပယ်မှာ အကာလို့ဆိုထားကြတဲ့ ဥစ္စာဓန နှင့် ရာထူးဂုဏ်ရှိန်ဆိုတာကလည်း အထိုက်အလျောက် လိုအပ်နေပြန်သေးတယ် ။ ပညာပံပိုး ထားတဲ့ ကိုယ့်ကျင့်သိက္ခာလုံးဝမရှိ တဲ့ ဥစ္စာဓန ၊ ရာထူးဂုဏ်ရှိန်မျိုးဟာ မကောင်းသလို ဥစ္စာဓန ၊ရာထူးဂုဏ်ရှိန် ဗလာသက်သက် နဲ့ ကိုယ်ကျင့်သိက္ခာဟာလည်း လောကီနယ်ပယ်မှာ ကြမ်းတမ်းလို့ နေပြန်သေးတော့တယ် ။ ဒီတော့ မဇ္ဈိမ ပဋိပဒါ ဆိုတာလေးတော့ သတိရ ဖို့လိုပြန်သေးပါပကော ။

နောက်လူ့တန်ဖိုးနဲ့ ပါတ်သက်ရင် လူတွေက သူများကို လေ့လာဆန်းစစ်တာများတယ် ။ ကိုယ့်ကိုယ်ကို မညှာမတာ ဝေဖန်ဆန်းစစ်မှု လုပ်ဖို့တော့ မေ့လျော့မိတတ်ကြပြန်ပါတယ် ။ သူများကို ဝေဖန်ဆန်းစစ်ဖို့ လိုသလို မိမိကိုယ်ကိုယ် မိမိဝေဖန်ဆန်းစစ်ဖို့လည်း လိုအပ်ပြန်ပါ တယ် ။ အတ္တာဟိ အတ္တနော နာထော လို့ဆိုထားမဟုတ်လားဗျာ ။ မိမိကိုယ်ကို မိမိကပဲ ကောင်းအောင် အစွမ်းဆောင်နိုင်ဆုံးလေ ။

ကိုယ်ကျင့်သိက္ခာနဲ့ ပါတ်သက်ပြန်ရင်လည်း ယဉ်ပါးတယ် ဆိုတဲ့ စကားလုံးကိုမေ့ထားလို့ မရပြန်ပါဘူး ။ တံငါနာနီး တံငါ မုဆိုး တို့ ၊ အစရှိ နောင်နောင် ဆိုတဲ့ စကားပုံလေးတွေက မယဉ်ပါးသင့်တာကို ယဉ်ပါးမိမှာစိုးလို့ လူကြီးသူမတွေက ဆုံးမတားမြစ်ခဲ့ကြတာပါ ။ တစ်ခါ တစ်ခါ ဒါလေးများ ၊ ဘာဖြစ်သွားမှာမို့လို့လဲတို့ ၊ ငါသိပါတယ် ၊ ငါထိန်းနိုင်ပါတယ်ဆိုတဲ့ အတွေးတွေနဲ့ မယဉ်ပါးမိတာ ယဉ်ပါးမိတတ်ကြလွန်းလို့ပါ ။


ကဲ.. ဒီလပိုင်းအတွင်း ကြုံတွေ့တွေးတောမိတဲ့ မသုံးမအကြောင်းဆက်ရအောင် ။

ဒူဘိုင်းမှာ စေတနာ့ညီမတွေလို ခင်မင်တဲ့ ညီမငယ်လေးငါးခြောက်ယောက်ရှိတယ် ။ အဲဒီ အထဲကမှ ညီမနှစ်ယောက်ကို စေတနာ ဖုန်းနဲ့အဆက်အသွယ် အများဆုံးလုပ်ဖြစ်တယ် ။ ဘာလို့လဲဆိုတော့ သူတို့နှစ်ယောက်က စေတနာနဲ့ ဝေးတဲ့ မြန်မာအလုပ်သမားတွေရှားတဲ့ မြို့မှာ အလုပ်လုပ်နေကြလို့ပါပဲ ။ အဲဒီညီမနှစ်ယောက်ကပဲ ဒီတန်ဖိုးဆိုတဲ့ခေါင်းစဉ်လေးကို တွေးမိစေခဲ့တာပေါ့ ။ အဲဒီညီမနှစ်ယောက်တည်းက တစ်ယောက်က…

ရှေ့နေဘွဲ့ရတစ်ယောက် ။ သူအရေးကြီးတာမယ်ထင်တာ မှန်သမျှ စေတနာ့ကို အကို တစ်ယောက်သဖွယ် ပြောဆိုအသိပေးလေ့ရှိတယ် ။ နားထောင်တာ မထောင်တာ အပထား ၊ ပေးတဲ့အကြံညဏ်ကိုလည်း စိတ်ရှည်စွာ နားထောင်တတ်တယ် ။

နောက်တစ်ယောက်က ခင်မင်တတ်တယ် ။ ဖော်ရွှေတယ် ။ သူလည်း ဘွဲ့ရတစ်ယောက်ပါပဲ ။ ဒါပေမယ့် တစ်ခါတစ်ခါ ပျော်ရွှင်ခြင်းခရီးသွားရင်း အလေးထားသင့်စရာအရာတွေ မေ့လျော့တတ်တယ် ။ သူတို့နှစ်ယောက်စလုံးကို စေတနာခင်သလို သူတို့နှစ်ယောက်လုံးက လည်း စေတနာ့ကို ခင်မင်ကြပါတယ် ။

မှတ်မှတ်ရရ စေတနာအလုပ်ကို ဒီညီမနှစ်ယောက်လာတုန်းက စေတနာ့အကိုက သူတို့ကို ပြောခဲ့တဲ့စကား ။ "ညည်းတို့ ရည်းစားမထား ဘာမထားပဲ ရိုးရိုးသားသားလေး ခြောက်လ လောက်အထိ ခံနိုင်ရည် ရှိမယ်ဆို တော်တော် အထင်ကြီးဖို့ကောင်းမှာတဲ့ " ။ အဲဒီတုန်းက တော့ စေတနာ မြန်မာ ညီမတွေအမတွေဖက်က တော်တော်လေး မခံနိုင်ဖြစ်သွားခဲ့တယ် ။

စေတနာ ကျန်ခဲ့တဲ့ နှစ်လမှာ program အသစ်တစ်ခုကို handle လုပ်လိုက်ရတယ် ။ မနိုင်ဝန် ထမ်းရတယ်ဆိုတော့ အချိန် နှင့်အလုပ်မမျှမတ ဖြစ်တာမို့ လူရော စိတ်ရော အတော်လေး ပင်ပန်းခဲ့ရတယ် ။ ဒါပေမယ့် ဒီညီမနှစ်ယောက်ဆီကိုတော့ ရံဖန်ရံခါ ဖုန်းဆက် ဖြစ်ပါတယ် ။စေတနာက ပူပင်တတ်တဲ့ ဝါသနာရှိတာကိုး ။ ဒီလိုနဲ့ တစ်ရက် …

ရှေ့နေဘွဲ့ရ ညီမက အသိပေးပြောဆိုလာပါတယ် ။ သူမကို propose လုပ်ထားတဲ့ ကောင်လေးကို ပြန်ပြီး accept လုပ်လိုက်တဲ့အကြောင်းပါ ။ သူမကပြောပါသေးတယ် ။ သူမပြန်ပြီး accept လုပ်တဲ့အချိန်မှာ စေတနာ့အကိုပြောခဲ့တဲ့ ခြောက်လလောက် ခံရင်ဆိုတဲ့ စကားကို အမှတ်ရမိပါတယ်တဲ့ ။ ဒါပေမယ့် သူမ အရမ်းစိတ်အလိုကိုလိုက်ပြီး လက်ခံခဲ့တာ မဟုတ်ပါဘူးတဲ့ ။ အွန်လိုင်းမှာ မိဘတွေကို အဲဒီကောင်လေးက propose လုပ်ထားတဲ့အကြောင်း အရင်တိုင်ပင်ပါတယ်တဲ့ ။ သူမ မိဘတွေက သမီးထားသင့်တဲ့အရွယ်ရောက်နေပြီတဲ့ ။ နောက်ဒီကောင်လေးအကြောင်း လည်း အူမချေးခါးသိသမို့ ငြင်းစရာမရှိပါလို့ ဆိုကြသတဲ့ ။ ဒါကြောင့်မို့ မိဘနဲ့တိုင်ပင်ပြီးမှ လက်ခံတဲ့အကြောင်း ပြောပြပါတယ် ။ စေတနာ့ဆီကလည်း သူ့ကောင်လေးအပေါ် အမြင်တောင်းပါသေးတယ် ။ စေတနာအနေနဲ့ ကောင်လေးအကြောင်းသေသေချာချာမသိ သေးတာမို့ ချက်ချင်း အမြင်မပြောတတ်ကြောင်းပဲ ပြန်ဖြေခဲ့ပါတယ် ။

အဲဒီရှေ့နေညီမကပဲ ကျန်တဲ့ ညီမတစ်ယောက်ရဲ့သတင်းစကား ဆိုလာပါတယ် ။ အကို့ညီမ ကို ကြည့်ပြောပါဦးတဲ့ ။ နိုင်ငံခြားသားတစ်ယောက်နဲ့ ပေါ်ပေါ်ထင်ထင်တွဲတဲ့ အဆင့်ကို တောင် ရောက်နေပြီတဲ့ ။ ဒီလိုနဲ့ ကျန်တဲ့ညီမဆီကို ဖုန်းဆက်တဲ့တစ်ရက် ဒီအကြောင်းမေး ကြည့်မိတော့…

ကျွန်တော့်လိုပဲ ဖုန်းဆက်အသိပေးတဲ့လူတွေကို ကျေးဇူးတင်ပါတယ်တဲ့ ။ သူလည်း ခါထုတ် ခဲ့တာပဲတဲ့ ။ ခါထုတ်လို့မရတာရယ် စကားပြောဖော်လေးပဲ ရရဆိုတဲ့သဘောနဲ့ တွဲနေတာ ပါတဲ့ ။ ဒါ အထီးကျန်ဆန်မှုရဲ့ ရလာဒ်လားဗျာ ။

နိုင်ငံရပ်ခြားမှာ အထီးကျန်ဆန်တယ်ဆိုတာကို စေတနာ ကောင်းကောင်းသဘောပေါက် ပါတယ်။ စေတနာကိုယ်တိုင် တစ်နှစ်လောက် အလုပ်နဲ့အခန်း နှစ်ပါးသွားခဲ့ရတာလေ ။ ဒါတောင် စေတနာက အကိုအရင်း ရှိသေးတယ် ။ ဒါပေမယ့် အဖော်မင်တတ်တဲ့စေတနာတစ် ယောက် အထီးကျန်ဆန်မှုကို ခါးသီးစွာ ခံခဲ့ရတာပါပဲ ။ ဒီတော့ ရင်ဖွင့်ဖော်လေး စကားပြော ဖော်လေးတွေကို တမ်းတမိတာပါပဲလေ ။

ဒီရက်ပိုင်းမှာပဲ စေတနာတစ်ယောက်လည်း စန်းပွင့်တယ်ဆိုရမလားပဲ ။ program အသစ်မှာ part time လာလုပ်တဲ့ ဖိလစ်ပင်းမလေးတစ်ယောက်နဲ့ ဟိုလိုလို ဒီလိုလို ဖြစ်နေတယ် ။ ဖိလစ်ပင်းကောင်တွေ မြှောက်ပေးကြတာလည်းပါပါတယ် ။ ဖိလစ်ပင်းကောင်မလေးကတော့ ရှင်းတယ် ။ boy friend လိုချင်ပါသတဲ့လေ ။

ဒီကောင်မလေးက စေတနာ့အောက်မှာ လာအလုပ်လုပ်နေခဲ့တာပေါ့ ။ အလုပ်လုပ်တာ ကြိုးစားတယ် ။ လှုမှုပေါင်းသင်းဆက်ဆံရေး တော်တယ် ။ အသက်အားဖြင့် စေတနာ့ညီမ အငယ်လောက်ပဲ ရှိဦးမှာပေါ့ ။့ ဒီဖိလစ်ပင်းမလေးကို လမ်းကြောင်းမှန်မှန်နဲ့ ဘဝတိုးတက်ရာ တိုးတက်ကြောင်းတွေကိုပဲ တစ်စိုက်မတ်မတ်လုပ်စေချင်ခဲ့တယ်ဗျာ ။

ဒီတော့ ပုဂ္ဂိုလ်မင်မှ တရားခင်မယ်လို့ ဆိုထားမဟုတ်လား ။ ဒီတော့ ရေလိုက်ငါးလိုက်ဆိုတာ ကိုကောင်းကောင်း အသုံးချခဲ့တယ် ။ အစွန်းနှစ်ဖက်ကြားမှာ ခက်ခဲစွာ ရပ်တည်ကြည့်မိတယ် ။ ဒါတောင် နားလည်မှု လွဲမှားလို့ အမြင်ဆိုးတွေကို ပြန်လည်ကြားနေရသေးတယ် ။ အချိန်ဆို တဲ့အရာက ဖြေရှင်းပေးမှာမို့ စိတ်ရှည်ခဲ့ရတယ် ။ ကိုယ်ကိုယ်တိုင်ကိုလည်း အမေဆုံးမခဲ့တဲ့ စကားလေးတွေကို ပြန်အမှတ်ရမိတယ် ။ အထူးသဖြင့် မြန်မာညီမက နိုင်ငံခြားသားနဲ့တွဲနေ တယ်ဆိုတာကို ကြားလိုက်ရတဲ့အချိန်မှာ ပိုလို့ သတိရမိပါတယ် ။

အမေက ပြောဆိုဆုံးမခဲ့ဖူးပါတယ် ။ "ငါ့သား ၊လူဆိုတာ ယောက်ျားရယ် မိန်းမရယ် မဟုတ်ဘူး ။ ကိုယ်ကိုယ်ကို ကိုယ်တိုင်က တန်ဖိုးထားမှ သူများက တန်ဖိုးထားမှာတဲ့ ။ ကိုယ်ကိုယ်တိုင်မှ ကိုယ့်ကိုယ်ကို တန်ဖိုးမထားရင် ၊ တန်ဖိုးရှိအောင် မနေတတ်ရင် ဘယ်သူကများ လာပြီး တန်ဖိုးထားမှာလဲ" ဗျာ ။ ဒါကိုယ့်ကျင့်သိက္ခာပိုင်းနဲ့ ဆိုင်တဲ့ အမေ့ရဲ့ ဆုံးမစကားပါ ။

နောက်အမေက တန်ဖိုးနဲ့ ပါတ်သက်ပြီး ပေါင်းသင်းဆက်ဆံရေး နယ်ပယ်မှာ နေတတ်အောင် လည်း ဆုံးမသေးတယ် ။ " ငါ့သား ၊ လူဆိုတာ ကိုယ်ကိုယ်ကိုပဲ အရောင်တက်အောင် နေတတ် ရမယ် တဲ့ ၊ အမေတို့ အဖေတို့က အရောင်ထွက်အောင်လုပ်ပေးလည်း ခဏပဲ ခံမယ် တဲ့ ။ ကိုယ်ကိုယ်တိုင် နေတတ် ၊ ထိုင်တတ် ၊ကျင့်ကြံတတ်ပါမှ ကိုယ်အရောင် ကိုယ်ပြောင်စေနိုင်မှာ " တဲ့ ခင်ဗျာ ။

ဟုတ်ကဲ့ ။ စေတနာအပါအဝင် ရွှေညီအကို မောင်နှမအားလုံး လူ့တန်ဖိုးအရောင်တက် အောင် နိုင်တဲ့ဖက်ကနေ ကိုယ့်ကိုယ်ကို ကြိုးစားပြုပြင်ကြပါစို့လား ခင်ဗျာ ။

အားလုံးကို ခင်မင်လေးစားလျှက်
စေတနာ
05.12.2009(11:29 pm)
--