နှစ်သစ်လက်ဆောင်

ရှေးဦးစွာဒီ post လေးကို မဖတ်ခင် သီချင်း list ထဲမှ Myit Tar Poe ဆိုသော နာမည်လေးအား တချက်နှိပ်ပေးရန် ......


နှစ်တစ်နှစ်ကနေ နောက်နှစ်သစ်တစ်နှစ်ကို ပြောင်းတယ်ဆိုတာ တကယ်ဆိုတော့ ၁ စက္ကန့်ပဲ ကြာတာပါ။ ဒါပေမယ့် ဒီတစ်စက္ကန့်ကလေးကို ရောက်ဖို့အတွက် ကျွန်တော်တို့ ၃၆၄ ရက် ၂၃ နာရီ ၊ ၅၉ မိနစ် နှင့် ၅၉ စက္ကန့်တိတိ စောင့် ခဲ့ကြရတာပါ။

ဒီလို နှစ်သစ် ကာလလေးမှာ ကိုယ်ချစ်ရသော မိသားစု၊ သူငယ်ချင်း၊ မိတ်ဆွေ အပေါင်းအသင်း ...အစရှိသော ကိုယ်နှင့် ပတ်သက်သူ တို့ကို နှစ်ကူးဆုတောင်းလေးတွေ ပေးကြတယ် .. လက်ဆောင်လေးတွေ ပေးကြတယ်။ ချစ်စရာကောင်းတဲ့ ဓလေ့ကလေးတခုပါ။

မိမိရဲ့လုပ်ရပ် တခုဟာ လူတစ်ဦးတစ်ယောက်ကို ချမ်းသာစေလိုတဲ့( ကိုယ်၊ စိတ် ) ဆန္ဒလေးနဲ့လုပ်ပေးလိုက်တယ် ဆိုရင် လုပ်ပေးလိုက်တဲ့ သူ ရော လက်ဆောင်ကလေးတွေ လက္ခံရရှိ တဲ့ သူအတွက်ရော အရမ်းကို စ်ိတ်ချမ်းသာစရာကောင်းပါတယ်။ ဆုတောင်းလေးတွေ ပို့တဲ့လူ အနေနဲ့ က ကိုယ့် ရင်ထဲမှာ ရှိတဲ့ စကားလေးတွေရဲ့ တစိတ်တဒေသ ကိုကိုယ် ပြောချင်တဲ့ သူဆီကို ပြောဖို့ အခွင့်အရေးရ တယ်။ လက္ခံရရှိတဲ့သူ အနေနဲ့ကလည်း မိမိ ကိုယ် စေတနာထားတဲ့ လူ တွေရှိတာကို သိရတဲ့ အတွက် ပိတိလေးတွေ ခံစားရမယ်။ နှစ်ဦးနှစ်ဖက် အကျိုးရှိစေတဲ့ ကာလ ကလေးပါ။

ကျွန်တော်လည်း စဉ်းစားတယ် ကျွန်တော်ချစ်တဲ့ ကျွန်တော့် သူငယ်ချင်းတွေကို နှစ်သစ်လက်ဆောင် ဘာပေး ရမလဲပေါ့။ အလကားရတဲ့ E-Card ပဲ ပေးရမလား ကိုယ့်ဘာသာ ကဒ်တခု လျှောက်လုပ်ပြီး ပေးရမလား .. ဘာပေးရမလဲ စဉ်းစားနေတာ။ နောက်ဆုံးတော့ အဖြေပေါ်သွားတယ်။ တခါမှ မပေးဘူးသေးဘူး ။ တခါမှလဲ မရဘူးသေးတဲ့လက်ဆောင်ပေးမယ်။

သူငယ်ချင်းတွေ ကို မေတ္တာပို့မယ်။

ဟုတ်ပြီ ... ဆရာတော်ဘုရား တွေ အသံနဲ့ တော့မပို့ချင်ဘူး ကိုယ့်သူငယ်ချင်း ကို ပေးတဲ့ လက်ဆောင်မှာ ကိုယ့် အငွေ့အသက်ကလေး တော့ ပါသွားစေချင်သေးတယ် လေ။ ဒါ့ကြောင့်ပဲ ကိုယ်တိုင် ကြိုးစား အသံသွင်း လိုက်ပါတယ်။

သူငယ်ချင်း တွေထဲမှာ ဗုဒ္ဓဘာသာဝင် မဟုတ်တဲ့ သူငယ်ချင်းတွေ ပါတဲ့အတွက် အနည်းငယ် ရှင်းပြလိုပါသည်။ ကျွန်တော်၏ စိတ်ကူးကို ဖြစ်ပါသည်။

ကိုယ်ခင်တဲ့ သူ ၊ ကိုယ်ချစ်တဲ့သူ အတွက် ဆန္ဒလေးတွေပြုပေးကြသည်။ 'ဆုတောင်းသည'် ဟုခေါ်သလို 'မေတ္တာပို့'သည်ဟုလည်းတစိတ်တဒေသ မှတ်ယူလို့ရပါသည်။ အနှစ်ချုပ်ကြည့်လိုက်လျှင် သက်ဆိုင်သူကို ကောင်းကျိုးချမ်းသာတွေ ခံစားရစေချင်တာဖြစ်သည်ကို အမှတ်ရစေလိုပါသည်။

ကျွန်တော်တို့၏နေ့စဉ်ဘ၀တွင် လူအချင်းချင်း နှုတ်ဆက်ပုံချင်းကွဲပါသည်။ အဘယ့်ကြောင့်ဆိုသော် ၄င်းတို့၏ ဘာသာစကားမတူသောကြောင့်ဖြစ်ပါသည်။ ၄င်းနုတ်ဆက်စကားများ၏နောက်တွင်ရှိသော ၄င်းတို့၏ နှလုံးသားများ၊ စ်ိတ်ထားများမှာ တစ်ခုတည်းသာဖြစ်ပါသည်။

ထို့ကြောင့် နေစိုးနိုင် သည် ဗုဒ္ဓဘာသာ ဖြစ်သောကြောင့် ဗုဒ္ဓဘာသာ မေတ္တာပို့ နည်းဖြင့် လက်ဆောင် ပေးပါသည်။ စာသားများသည် ကွဲပြား နေနိုင်ပါသည်။ သို့သော် စာသားများ၏နောက်မှ နေစိုးနိုင် ၏ စေတနာ နှင့် နှလုံးသား ကို မြင်အောင်ကြည့် စေလိုပါသည်။

နောက်ဆက်တွဲ ဆုတောင်းအဖြစ် ဆုတောင်းပေးလိုက်ပါတယ် .....

စိတ်ကိုညစ်နွမ်းစေသောအရာမှန်သမျှ နှစ်ဟောင်းမှချန်ထားခဲ့ပြီး အောင်မြင်မှူ များနဲ့နှစ်သစ်ကို ချီတက်နိုင်ပါစေ....
နှစ်သစ်မှာ ကျော်လွှားနိုင်တဲ့ အခက်အခဲများသာ တွေ့ပါစေ . . .

မေတ္တာပို့ကိုတော့ နားထောင်လိုက်တော့နော်...

နေစိုးနိုင်