ပျောက်ဆုံးသွားတဲ့ စိတ်ဓာတ်များ

မိမိတို့နေထိုင်ရာ ၊ ကျင်လည်ကျက်စား ရာ နေရာဒေသ အလိုက် အချိန် ကြာလာတာနှင့် အမျှ လိုက်လျှော ညီထွေ မှူ ရှိဖို့ ကြိုးစားရင်း ၊ ကြိုး စား ရင်း ကနေ မိမိတို့ ရဲ့ ပင်ကိုယ် ဗီဇ အကျင့် စရိုက်တွေ ပျောက် ကုန်တတ်ပါတယ်။ သို့မဟုတ် ဗီဇတွေ ငုပ်သွားတတ်ပါတယ်။

ပတ်ဝန်းကျင် အသစ်တစ်ခု ကို စရောက်လာတဲ့ အခါ အဆင်မပြေတတ်ပါဘူး ။ အနေအထိုင် ၊ အမူ အကျင့်တွေ မတူကြလို့ ပါ။ လိုအပ်တဲ့ အချိန် တခုရောက်မှ တဖြည်းဖြည်းချင်း ပြောင်းလဲမှန်းမသိ ပြောင်းလဲ သွားပြီး အဆင်ပြေပြေ နေတတ် ထိုင်တတ် ဖြစ်သွားတာပါ။

ကျွန်တော် ဒီကို ( ဒူဘိုင်း ) ကို ရောက်စ တုန်း က တွေ့ရတဲ့ ပြဿနာ က တော့ ကုလားတွေ ခေါင်းရမ်းတဲ့ ပြဿနာပါ။ အိန္ဒိယ ( အထူးသဖြင့် တောင်ပိုင်း ) ကုလားတွေ က စကားပြောရင် ခေါင်း တွေခါပြီး ပြောပါတယ်။ နောက်ပြီး ဟုတ်တယ် ( Yes ) လို့ ပြောလည်း ခေါင်းရမ်း ပြတယ် ။ တခုခုကို မဟုတ်ဘူး (No) ဆိုလည်း ခေါင်းရမ်း ပြန်ပါတယ်။ သူတို့ ခေါင်းရမ်းတာကို ရောက်ခါစ က ဘယ်လိုမှ အဓိပ္ပါယ်ဖော်လို့မရပါဘူး။

စကားပြောရင်း ခေါင်းရမ်း ပြောရင် ကျွန်တော် အရမ်းဒေါသထွက်ပါတယ် ။ ကျွန်တော်ကို လာနောက်နေတယ်လို့ ခံစားရတယ်။ နောက် ပြီး တော့ ကျွန်တော်တို့ နိုင်ငံမှာ တခုခုကို အရှိန်တားချင်လို့ ဖြည်းဖြည်း လုပ်ပါ လို့ ပြောချင်ရင် လက်ဝါးပြ ပြီး ပါးစပ်က ဖြေးဖြေး လို့ ပြောကြတာပါ။ ရပ်စေချင်ရင်လည်း လက်ဝါးပြတာပါပဲ။ အဲ.. ဒီမှာတော့ ဒီလိုမဟုတ်ဘူးဗျ ။ အရှိန်လျှော့ပါဆိုရင် လက်ချောင်းလေးတွေ စုပြီးချွန်ချွန်လေး (ကြာဖူးပုံ) လုပ်ပြတယ်။ လက်ဝါးပြတာကတော့ လုံးဝ ရပ် ဆိုတဲ့ သဘောပါ။ ဒါကို မသိခဲ့လို့ လက်ဝါး ပြနေလျှက် မရပ်မိတဲ့ ကျွန်တော် ပြဿနာတွေ ဖြစ်ခဲ့ဖူးပါတယ်။

ဒီမှာနေလာတာ ကြာတော့ ဒါတွေကို ထူးဆန်းနေတယ်လို့ မထင်တော့ဘူး ကိုယ်တိုင် စကားပြောရင်းနဲ့ အမူအရာတွေ ကူးလာတာ ကို သတိထားမိတယ်။ ဟုတ်လားလို့ မေးရင် .. ဟုတ်တယ် ဆိုပြီး ခေါင်းရမ်းလိုက်တာမျိုး တွေဖြစ်လာတယ်။ ကျွန်တော် မုန်းခဲ့တဲ့ အမူအကျင့်တစ်ခု ကျွန်တော်ဆီကို ဖြည်းဖြည်းချင်း ရောက်လာတာနော်။ မသိလိုက်ဘူး ။

ပတ်ဝန်းကျင် နဲ့ လိုက်လျှောညီထွေ ဖြစ်အောင်နေထိုင်ရင်း နေထိုင် ရင်းနဲ့ ပင်ကိုယ်စရိုက်တွေ ပြောင်းသွားကြတယ်။(ဥပမာပြောပြမယ်)

မိတ်ဆွေ ကျီး ကို မြင်ဖူးတယ်မို့လား ( ကျီးကန်း ၊ ရွှေကျီး ၊ ရွှေကျီးညို ) အနက်ရောင်လေးလေ။ ကျွန်တော် တို့ အညာမှာတော့ ပေါ မှပေါ ။ အရမ်း အကင်းပါးတဲ့ သတ္တ၀ါလေ။ သတိ လည်း အရမ်းရှိတယ် ။ သူ့ကို တစ်ခုခုနဲ့ ရန်ရှာဖို့မဆိုးထားနဲ့ သူ့ကို ကြည့်ရုံပဲ ကြည့်လိုက်တယ် ဆိုရင်တောင် ဒီကောင်တွေက ပျံပြေးတတ်တာပါ။ လက်ထဲမှာ ဘာမှမပါတဲ့ လက်ဗလာ နဲ့ ချိန်လိုက်တယ် ဆိုရင်ပဲ ပျံပြေးတတ်တာပါ။ အရမ်းအကင်းပါးတဲ့ သတ္တ၀ါ ဖြစ်ပါတယ်။

ဒါပေမယ့် ကျွန်တော် ရန်ကုန်ကို ရောက်လာတော့ အရမ်း အံသြ သွားတယ် ။ ရန်ကုန် က ကျီးတွေ က လူလည်းမကြောက်ဖူး၊ ကားလည်းမကြောက်ဖူး ၊ ခွေးလည်း မကြောက်ဖူး ... ကျွန်တော် သရက်တော ကျောင်းတိုက်ထဲမှာ နေတုန်းက ဆို ကျီးတွေကို လိုက်လှန့်ကြည့်ဖူးတယ်။ မကြောက်ဖူးဗျ ။ ပေစောင်းစောင်းနဲ့ တောင် ပြန်ကြည့်နေကြသေးတယ်။

ဒီကျီးတွေလည်း ပင်ကိုဗီဇ အရ အရမ်း အကင်းပါး ကြပါတယ်။ သတိ အရမ်းရှိကြပါတယ်။ သို့သော် ၄င်းတို့ ရောက်ရှိ နေထိုင်ရာ ပတ်ဝန်းကျင် နှင့် လိုက်လျှော ညီထွေ ဖြစ်ဖို့ ကြိုးစားရင်း ၊ ကြိုးစားရင်း နဲ့ ၄င်းတို့ရဲ့ ပင်ကို ဗီဇတွေ လုံးဝ ပျောက်သွားတာပါ။ ရန်ကုန်မှာ ပေါက်တဲ့ ကျီး ပေါက်ကလေးတွေ ကတော့ ကျီးဆိုတာ ဘယ်လို သတ္တ၀ါ ဆိုတာ သူတို့တွေ သိတော့မှာ မဟုတ်ပါဘူး။

ရန်ကုန်က ကျီး ကို နယ်ပို့လိုက်ရင် အသက်နဲ့ ခန္ဓာ အိုးစားကွဲ သွားပါမယ်။ နယ်က ကျီးကို ရန်ကုန်ပို့လိုက်ရင်လည်း ငတ်သေ ပါလိမ့်မယ်။ ဒါပေမယ့် ကျီး ဖြစ်ပြီးတော့ ကျီးစိတ် မရှိတော့ တဲ့ အဖြစ်ထက်စာရင် သေတာက ၊ ငတ်တာက ပိုကောင်းပါတယ်။

ခုလူတွေပြောကြတယ် ကမ္ဘာအနှံ့ မြန်မာ ပျံ့နေပြီတဲ့ ။ ကောင်းသောပျံ့ခြင်း မျိုး ဖြစ်ပါစေလို့ ဆုတောင်းပါတယ်ဗျာ။ မိမိတို့ ရောက်ရှိနေတဲ့ ပတ်ဝန်းကျင်နှင့် သဟဇာတ ဖြစ်အောင်ကြိုးစားရင်း ကြိုးစားရင်း မူရင်း မြန်မာ တို့ရဲ့ဗီဇတွေ ပျောက်ကုန်မှာတော့ စိုးရိမ်မိသဗျာ။

ခေတ်မီတယ် လို့ ထင်ထားကြတဲ့ လူတန်စား တွေ ပြောတာရှိတယ်။ ကိုယ့်နိုင်ငံမှ ၊ ကိုယ့်လူမျိုးမှ ၊ ကိုယ့် ဘာသာ မှ ဆိုတဲ့ အမြင်တွေက သေးသိမ်တယ်တဲ့ ။ ကမ္ဘာကြီး ဟာ ရွာကြီး ဖြစ်တယ်ဆိုတဲ့ အတိုင်း အားလုံးဟာ အတူတူ ပဲတဲ့ ။ ဒါမျိုးစိတ်ထားနိုင်မှ civilized ဖြစ်တယ်တဲ့။ ဒါမျိုးဆိုရင်တော့ တောသားဖြစ်တဲ့နေစိုးနိုင် တယောက် ခေတ်မမှီချင်တော့ပါဘူး။ ခေတ်နောက်မှာပဲ နေခဲ့ပါရစေတော့။

ဒါပေမယ့် ဒီလိုပြောတဲ့လူတွေ ကို တစ်ခုတော့ မေးချင်တယ် ... " မင့် ညီမ ကို ကုလားနဲ့ ( လူမျိုးခြား) ပေးစားမလား " လို့ ။ ဒီလိုဆိုရင်တော့ နေစိုးနိုင်တစ်ယောက် အသတ်ခံရမှာသေချာတယ်။

ကျွန်တော် ဒီလိုရေးတာဟာ တခြားလူမျိုးတွေ၊ ဘာသာတွေ ကို စော်ကားလို တဲ့စိတ်မျိုး မရှိဘူး ။ ဒါပေမယ့် ဗမာ ဆိုတာ ဒါ ပါ လို့ ပြောလို့ရတဲ့ ရပ်တည်ချက်မျိုးဖြစ်သင့်တယ်။ အားလုံးတူညီဖို့ အတွက် ကြိုးစားနေခြင်း မဟုတ်ဘဲ မိမိရပ်တည်ချက် ခိုင်မာအောင် ကြိုးစားနေခြင်းသာ ဖြစ်ပါတယ်။

ကမ္ဘာအနှံ့ မြန်မာပျံ့နေပြီ တဲ့လား

ကမ္ဘာပျံ့တဲ့ မြန်မာတွေ .... ရန်ကုန်ရောက်တဲ့ ကျီးတွေလို များ ဖြစ်ကုန်လေမလား....

ကမ္ဘာပျံ့တဲ့ မြန်မာတွေ က မွေးတဲ့ မြန်မာလေးတွေ ကရော ရန်ကုန်မှာ ပေါက်တဲ့ ကျီးလေးတွေ လို မူရင်းဗီဇ မရှိကြ သူလေးတွေများ ဖြစ်ကုန်လေမလား

နောင်တစ်ချိန်မှာ လူကြီးတွေ က မြန်မာလူမျိုး အကြောင်းကို ရှေးစကား တစ်ခု အဖြစ်များပြောကြလေမလား
( ဟိုး... တချိန်က ဒီနေရာ ဒီတိုင်းပြည်မှာ မြန်မာ ဆိုတဲ့ လူမျိုး တွေ နေထိုင်သွားကြတယ် ဆိုပြီးလေ)

ငါကိုယ်တိုင်ရော ဘယ်လို ကျီး မျိုး ဖြစ်နေပြီလဲ.....

မိတ်ဆွေရော .....???????????

(ဆရာအတ္တကျော်ရဲ့ စကားကို သုံးခွင့်ပြုပါ)
တွေးဆ ဆင်ခြင်နိုင်ကြပါစေ

လေးစားစွာဖြင့်
နေစိုးနိုင်