အိုးမဲ မလိုတဲ့တို့တတွေ

ကျွန်တော်တို့မြန်မာနိုင်ငံသူနိုင်ငံသားတွေဟာ တစ်ဦးနဲ့တစ်ဦးမနာလို စိတ်ထားတဲ့နေရာမှာ နိုင်ငံတကာကလူတွေ အဖေခေါ်ရလောက်အောင်ကိုတော်ပါပေတယ်ဗျာ။ သူများမျက်ချေးပဲမြင်တယ်ကိုယ့်မျက်ချေးကိုယ် မမြင်တတ်သူများလို့ တောင်မပြောချင်တော့ဘူး။ အဲလိုပြောလိုက်ရင် ကျွန်တော်လည်း ကိုယ့်မျက်စိကိုယ် ပြန်ပွတ်ကြည့်မိနေဦးမယ်လေ။

 

အကြောင်းအရာကတော့ ပြည်တွင်းပေါက်ဖော် အဆွေတော်အချင်းချင်း ပြည်တွင်းပြည်ပ လှမ်းပြီး စကားစစ်ထိုးနေကြတဲ့အကြောင်းပါခင်ဗျာ။

 

ပြည်တွင်းက ကိုကို၊ မမ တို့ က တိုင်းတပါးမှာ ကာယ ၊ ဉာဏ အားဖြင့်သွားရောက် လုပ်ကိုင်နေကြရရှာတဲ့ ပြည်တွင်းပေါက်ဖော် တွေကို လှမ်းပြီး နိုင်ငံချစ်စိတ်မရှိတဲ့လူတွေ ၊ မြန်မာပြည်က သင်ထားတဲ့ပညာတွေနဲ့ သူများကိုလုပ်ကျွေးနေကြသူတွေ ၊ စာပေတွေထဲမတော့ ဦးနှောက်ယိုစီး တယ်ဆိုလား ဖိတ်လျှံကုန်တယ်ဆိုလားပါပဲဗျာ။ ထားပါတော့ ဝေါဟာရတွေကို ။ ကျွန်တော်ကတော့ လက်တွေ့ကျတဲ့လောက ကိုပဲကြည့်ချင်တယ်။ သီအိုရီ တွေထဲထည့်တာကို သိပ်မကျွမ်းဘူး။

 

ဝါးလုံးရှည်ကြီးနဲ့သိမ်းပြီး နိုင်ငံ နယ်နမိတ် ကျော်နေတဲ့လူမှန်သမျှကို နိုင်ငံကို မချစ်တဲ့လူ လို့ စွတ်စွဲတာဟာတော့ သီအိုရီ အရမ်းဆန်သွားပြီဗျ။ ကျွန်တော်တို့ ဆီမှာမရနိုင်သေးတဲ့ နည်းပညာများ ၊ အတတ်ပညာ များ ၊ လုပ်ငန်းအတွေ့အကြုံများကို တိုးတက်ပြီး ၊ တိုးတက်ဆဲနိုင်ငံများမှာ သွားရောက် အလုပ်လုပ်ကိုင်ရင်း ကျွန်တော်တို့ ရဲ့ အရည်အချင်းတွေကို မြှင့်တင်နေရပါမယ်။ ဒါအခုမှလုပ်ခဲ့ကြတာလားဆိုတော့ မဟုတ်ရပေါင်ဗျာ ။ ဖတ်ဖူးသလောက် ၊မှတ်ဖူးသလောက်တော့ ဟိုးဘုရင်တွေခေတ်မှာကတည်း က ကိုယ့်ထက်တိုးတက်တဲ့ တိုင်းပြည်တွေမှာ အသိပညာ အတတ်ပညာတွေ လေ့လာဖို့ လူတွေလွှတ်ဆိုပဲ ။ အဲ…လွှတ်လိုက်တဲ့လူတွေအကုန် ပြန်မလာတာလဲ အခုမှမဟုတ်ပါဘူးဗျာ ။ ဒီလိုလူတွေအတွက် ဦးနှောက်အလေးမခံပါနဲ့။

 

ဒီတော့ ငါတော့ ငါ့နိုင်ငံချစ်လို့ တဖ၀ါးမှမခွာဘူး ဆိုပြီး အသံကောင်းဟစ်နေတဲ့ ကိုကိုများက လည်း နိုင်ငံတွင်းမှာနေပြီး နိုင်ငံအတွက် အကျိုးရှိအောင် ဘာတွေများလုပ်နေကြပါလဲခင်ဗျာ။

 

အဲနောက်တစ်ဖက်က နိုင်ငံခြားက ကိုကို ၊ မမ များ ထံမှကြားရတဲ့စကားကလေးတွေပါ။ ကျွန်တော်နဲ့တော်တော် ရင်းနှီးတဲ့ သူငယ်ချင်းတွေပါးစပ်ကထွက်တာကို ကြားဖူးတာပါ။ မြန်မာပြည် (ရန်ကုန် ) ကို ပြန်မယ်ဆိုရင် ရွာကို ပြန်မယ်တဲ့ဗျ ။ ရွာကပြန်လာတယ်ဆိုပဲ ရွာကို ဘာမှာ ဦးမှာလဲဆိုပဲ ။ မင်းပြောတဲ့လေသံ ( အင်္ဂလိပ် ) ကလည်း ရွာက ငပိသံမပျောက်ဘူးတဲ့ ။ ကောင်းပါပြီခင်ဗျား ။ ကျွန်တော်တို့ဟာ အဖေဗမာ ၊ အမေ ဗမာ ကမွေးထားတဲ့ အတွက် အင်္ဂလိပ်စကားကို ဗမာ သံနဲ့ပဲပြောတတ်တယ်ထားပါ။ ဒီနေရာမှာ ကျွန်တော်က မျိုးချစ်စိတ်ဆိုတာကြီးကို လက်ကိုင်ထားပြီး တဇွတ်ထိုးပြောနေတာမဟုတ်ပါဘူး။ အင်္ဂလိပ်စကားကိုပြောတတ်ရမယ်။ အင်္ဂလိပ်စကားကို တဖက်လူနားလည်အောင်ပြောတတ်တယ်။ အင်္ဂလိပ်နီးပါးပြောတတ်ရင်တော့အကောင်းဆုံးပေါ့။ ဒါပေမယ့် အင်္ဂလိပ်နီးပါး မပြောတတ်တာ ၊ ဗမာသံပေါက်နေတာကို ရှက်စရာလို့တော့ အချင်းချင်း မရှုံ့ချစေလိုပါ။ ကျွန်တော်တို့ မြေမှာ မွေး ၊ ကျွန်တော်တို့ မြေမှာကြီးပြင်းလာခဲ့တဲ့ ဘွဲ့ရ တရုပ် တစ်ယောက်ဟာ ဗမာစကားကို တရုပ်သံမပါဘဲ ပြောနိုင်တဲ့လူ နည်းပါတယ်။

 

ပြည်ပ မှာနေပြီး အီး လို ဘွတ်ဘက်ရွှတ်ရှက် လေးပြောပြီး ကိုယ့်ကိုယ်ကို သိပ်အဟုတ်ကြီးတွေတော့မတွေးစေလိုပါ။ နိုင်ငံရပ်ခြားမှာ အခြေအနေ အကြောင်းအရာ အမျိုးမျိုးနဲ့ နေထိုင် လုပ်ကိုင်နေကြပြီး ။ အချိန်တန်လို့ အိမ်ပြန်ခဲ့ရင် ငါ့နိုင်ငံအတွက် ဘာတွေတော့ လုပ်ပေးမယ်ဆိုတဲ့စိတ်ကလေးမွေးကြည့်ပေးပါလား။

 

ဆိုပါဆို့ လူကြီးမင်းနေထိုင်ရာမြို့က ဘတ်စ်ကား ကြီးတွေကောင်းလွန်းနေတယ်ဆိုရင် ကျွန်တော်တို့နိုင်ငံက ဖွတ်ချက်ဖွတ်ချက် ကားစုတ်တွေကို ကဲ့ရဲ့နေမယ့် အစား ဒီကားကြီးမျိုးငါ့နိုင်ငံမှာ စီးနိုင်အောင် ဘယ်လိုလုပ်ရမလဲ လို့စိတ်ကူးဖူးရဲ့လား ။

 

သေချာပါတယ် ပြန်ပြောမယ့်စကား ဘာလဲဆိုတော့ အစိုးရကို ပုတ်ခတ်ပြီးပြောတော့မပေါ့။ ဒါကျွန်တော်ကိုယ်တိုင်လည်း ပြောခဲ့ဖူးပါတယ်။ နောက်မှတွေးကြည့်တာ ဒါနည်းလမ်းမဟုတ်ဘူး။ ခုချိန်ထိဗျာ လမ်းမကောင်းတာ ခဲတလုံးတောင် ကျွန်တော် လမ်းပြင်တဲ့ထဲကူမထည့်ဖူးဘူး။ ဒီလိုပြောလိုက်လို့ ဒီကောင်က တော်တော်ကြည်ညိုနေတယ်လို့တော့မထင်ပါနဲ့ ။ လေးဖြူသီချင်းလေးဆိုပြလိုက်မယ် … လာမညှိ နဲ့ဆိုလားဘာလားပဲ။

 

 

ခင်ဗျားတို့အိမ်ရှေ့ ကရေမြောင်းပိတ်နေတာ ၊ လမ်း မှာ ညစ်ပတ်နေတာ စည်းကမ်းမဲ့ အမှိုက်ပစ် တာ ..စတဲ့ ပြဿနာတွေအတွက် ဘာကြောင့်များ  သူများကိုစောင့်နေကြတာလဲ။ခင်ဗျားတို့ကျွန်တော်တို့ထွေးတဲ့ကွမ်းတံတွေးတွေကြောင့်ညစ်ပတ်နေတာကို သန့်ရှင်းရေးမလုပ်တဲ့လူကို ဆဲမှာလား ကွမ်းတံတွေးမထွေးဖို့ နားလည်အောင်ပညာပေးစည်းရုံးမှာလား။ မျဉ်းကြားကမဟုတ်ရင် လမ်းမကူး တတ် တဲ့လူတန်းစား ထဲမှာ ခင်ဗျားတို့ပါလား ။ ကျွန်တော်ကတော့မပါသေးဘူး။ ဒါပေမယ့် ကြိုးစားကြည့်နေတယ်။

 

ကျွန်တော့် အဖေ ပြောပြောနေတာလေးပဲ ပြန်ဖောက်သည်ချပေးလိုက်တော့မယ်ဗျာ ကျွန်တော်တို့ကို အဖေက ပြောဖူးတယ် ။ အဖေတို့ငယ်တုန်းက ကျေးလက်ဒေသတွေက ခုလိုဘယ်ဟုတ်ဦးမှာလဲဗျာ။ အဖေတို့ခေတ်က ကျွန်တော်တို့ ရွာမှာ စာသင်ကျောင်းတောင်မရှိသေးဘူး။ ဘုန်းကြီးကျောင်းပဲရှိတာ ၊ ဘက ပညာရေးလို့ခေါ်တယ်လေ။ အဲ ......သူတို့ ငယ်တုန်းက တရွာလုံးမှ အိမ်သာရှိတဲ့အိမ်ဆိုတာ လက်ချိုးရေလို့ရတဲ့အချိန်ပေါ့။ လက်ချိုးရေလို့ရတယ်ဆိုတာ လျှော့ပြောတာ (ကိုယ့်ရွာမို့) တကယ်ဆို ဘုန်းကြီးကျောင်းလောက်ရှိတယ်ထင်တယ်။ ကျွန်တော့် အဖေက လည်း သူငယ်ချင်းတွေနဲ့ ကျွဲကျောင်း ၊ နွားကျောင်းလုပ်ရတာပေါ့ဗျာ ။ သိတဲ့ အတိုင်း ကျင်ကြီး ၊ ကျင်ငယ်ကိစ္စ က ခြုံကြားမှာပြီးတာများမှာပေါ့။

 

ခေတ်တွေပြောင်း ၊ စနစ်တွေဟောင်း လာပြီး လူနေမှုပုံစံတွေ အဆင့်ဆင့်ပြောင်းလာတော့ ကျွန်တော်တို့ဆီမှာလည်း ယင်လုံတွေဘာတွေဖြစ်ရောပေါ့။ ကျွန်တော့်အဖေတို့ လူပျို အချိန်လောက်ပေါ့။ အဲဒီအချိန်ကနေခုအချိန်ထိ ဆိုပါတော့ ။

 

တနေ့တော့ ကျွန်တော့် အဖေ ကောလင်းဘက် ကို ခရီးထွက်ပါတယ်။ လမ်းမှာ ကားပျက်ပါလေရော ။ဘယ်သူမှလည်းမပါဘူး ။ ဒါနဲ့လမ်းမှာ ညအိပ်ပေါ့ ။ အဲဒီမှာ အဖေပြောပြတာ လမ်းဘေးမှာ ဘယ်လိုမှ ကိစ္စကိုဖြေရှင်းလို့မရတော့ဘူးတဲ့ ။ စိတ်ထဲမှာ သွားချင်စိတ်ဖြစ်လာလို့ သွားလိုက် ထိုင်ခါနီး စိတ်ကပျောက်သွားလိုက်နဲ့ပဲ မိုးလင်းပြီး သူများ အကူညီနဲ့ မြို့ပြန်ရောက်လာတာဆိုပဲ ။

 

လူစိတ်များပြောပါတယ် ။ ငယ်ဘ၀ တစ်လျှောက်လုံး ဒီလိုခြုံတိုးနေခဲ့ရာက ဒီထက် သာတဲ့ ဘ၀မှာ နှစ်တွေနည်းနည်းကြာသွားတာနဲ့ မူလဘ၀ ကို လုံးဝ ပြန်လို့မရတော့ဘူးလေ။

 

ဒီလိုပါပဲ ကိုကို ၊ မမ တို့ရေ ကျွန်တော်တို့တွေနိုင်ငံခြားမှာ အလုပ်လုပ် ပိုက်ဆံရှာနေတယ်ဆိုတာ တချိန်မှာ ခင်ဗျားတို့ ခေါ်နေတဲ့ ရွာ ကြီး အတွက် ပဲဖြစ်ပါစေဗျာ။ အချိန်တန်လို့မှ အိမ်မပြန်ချင်တော့ဘူးဆိုရင်တော့လည်း ဘာတတ်နိုင်မှာလဲ။

 

ကျွန်တော့်အနေနဲ့ မေတ္တာရပ်ခံလိုတာကတော့ အရှိတရားတစ်ခုကို မြင်အောင်ကြည့်ပါ လက်ခံပေးပါ။ အရှိတရားကို လက်မခံနိုင်ရင် ရလဒ်က နောင်တတွေဖြစ်နေလိမ့်မယ် ။ ဆိုးနေတာကိုသိရင် ကောင်းအောင်ဘယ်လိုလုပ်မလဲဆိုတာကို ၀ိုင်းဝန်းကြံဆပါ။ အပြစ်ထိုင်ဖို့နေရင်တော့ အပြစ်တွေပို့ ( မောက်တက် ) လာတာပဲရှိမယ်။

 

ကျွန်တော်တို့ နိုင်ငံဆင်းရဲနေတယ်။ လက်ခံလိုက်ပါ။ မိသားစုစားဝတ်နေရေးအတွက် ပိုက်ဆံရှာရမယ်။ လက်ခံလိုက်ပါ။ ပြည်တွင်းမှာ ရှာနေရင် တစ်ယောက်အတွက်တောင်အနိုင်နိုင် ။ လက်ခံလိုက်ပါ ။ ပြည်ပထွက်ပြီး ပိုက်ဆံရှာမယ် ။ ဒါပေမယ့် ငါပိုက်ဆံရှာနေတာ ငါ့မိသားစုအတွက် ၊ ငါ့နယ် ….. စသဖြင့်ပေါ့ဗျာ။

 

မြန်မာပြည်ကြီး နိမ့်ကျနေတာကို သိရင် မြှင့်တင်နိုင်အောင်ကြိုးစားပါ

မြန်မာ တွေ ပြည်တော်ပြန်မလာချင်တာကို သိရင် ပြန်လာချင်အောင်လုပ်ပါ

မြန်မာတွေမှ မြန်မာပြည် ကိုမချစ်ရင် . .

ခွေးဖြစ်တာမှကောင်းသေးတယ် . . .( ခွေးတွေမှာတော့ နိုင်ငံချစ်စိတ်မလိုဘူးလေ)

 

ဒီလောက်ဆိုရင် ကျွန်တော်သဘောပေါက်ပြီ ခုစာဖတ်တဲ့လူမေးချင်နေတာကို

နေစိုးနိုင် ရောဘာလုပ်နေလဲ .. ဆိုတဲ့မေးခွန်းလေ..

 

ဟုတ်တယ်မို့လား … ။ ရိုးသားစွာပြန်ဖြေပေးလိုက်ပါသည်။

 

နေစိုးနိုင်တစ်ယောက် သူများမျက်ချေးလိုက်စုနေပါသည်။ တချိန်ဈေးကောင်းရလျှင် နိုင်ငံခြားသွားရောင်းဖို့ ရည်ရွယ်ထားပါသည်။

ကျွန်တော်တို့မြန်မာတွေ သူများမျက်ချေး မြင်တဲ့နေရာကမ္ဘာက အဖေခေါ်ယူရလောက်တယ်လို့ ကျွန်တော် အစမှရေးပြခဲ့တယ်နော်…

နေစိုးနိုင် သည်လည်း မြန်မာ ထဲမှ မြန်မာ တစ်ယောက်သာဖြစ်ပါကြောင်း . . .

 

(ရှေးကကြက်တွေက အိုးမဲသုတ် ပြီးတိုက်မှ ခွတ်ကြတယ်တဲ့ ... ခုများတော့ဗျာ ခွပ် လိုက်ကြတာ ဘာအိုးမဲမှတောင်မလိုဘူး )

 

လေးစားစွာဖြင့်

နေစိုးနိုင်