ဘ၀ ပဲ့ကိုင်ရှင်များသို့

သူမဟာ…

ပညာအရည်အချင်းအားဖြင့် လေးတန်းသာရှိပါတယ် ။ သူမရဲ့ ဖခင်ဟာ သူကြီးတစ်ယောက်ရဲ့ သားဖြစ်ပေမယ့် စီးပွားရေးကို သိပ်အလေးမပေးတော့တဲ့ တရားသမား ငြိမ်းချမ်းရေးသမား တစ်ယောက်ပါ ။ မိခင်ဟာလည်း အပျိုဖော်ဝင်မှ သေဆုံးသွားခဲ့တဲ့ သမီးကြောင့် အပူမီးတွေ ဝိုင်းနေခဲ့တာပေါ့ ။ မွေးရပ်မြေကလည်း ကူသန်းရောင်းဝယ်ခက်ခဲတဲ့ တောကျေးလက်ဆို တော့ ဘဝကို ပင်ပန်းကြီးစွာ ရုန်းကန်ခဲ့ရတာပေါ့ ။

မှန်တယ်ထင်လို့ကတော့ ငရဲပြည်ပဲ သွားရ သွားရ ဆိုတာ သူမပေါ့ ။ ဓားနဲ့မိုးထားရင်တောင် အသံတိုးသွားလိမ့်မယ်လို့ မမျှောင်လင့်လိုက်ပါနဲ့ ။ အဲ…မှားတယ်ထင်ရင်တော့ ဦးချဖို့ ဝန် မလေးတဲ့ သူမပါပေ ။

သူမကို ဘယ်သူလို့ ထင်ပါသလဲ…

စေတနာ့အမေပဲ ဖြစ်ပါတယ် ။

ကျွန်တော်တို့မောင်နှမတွေအတွက် ငယ်ငယ်တုန်းက အမေသုံးခဲ့တဲ့ လက်နက်ကတော့ တုတ်စကြ်ာပဲဖြစ်ပါတယ် ။ အဲဒီ တုတ်နဲ့ ခဏ ခဏညားခဲ့တာလည်း စေတနာပဲ ဖြစ်ပါတယ် ။ အဲ…သားသမီးတွေ ကြီးလာတော့ အမေက လက်နက်ပြောင်းသုံးပါတယ် ။ အဲဒီလက်နက်က တော့ ပါးစပ်သေနတ်ပဲ ဖြစ်ပါတယ် ။

သားသမီးတွေကို ပူညံပူညံလုပ်တဲ့ နေရာမှာတော့ နှစ်ယောက်မရှိဘူးလို့ ထင်ပါတယ် ။ ဆူဖို့ ဆိုလို့ကတော့ ထမင်းအသက်ခုနှစ်ရက်တို့ ရေအသက် တစ်မနက်တို့ သိပ်ဂရုမစိုက်တတ်ဖူး။ ရွေးချယ်ခွင့်သာရမယ်ဆိုရင်လေ စေတနာ ငယ်ငယ်တုန်းက တုတ်လက်နက်ကိုပဲ ရွေးချင်ပါ တယ် ။ စကားလုံးကြီးကြီးနဲ့ ပစ်ထည့်လိုက်လို့ကတော့ ရင်ဘတ်အောင့်သွားမယ်သာမှတ် ။

စေတနာက ငယ်ငယ်ကတည်းက အနစ်နာခံတာ ဝါသနာပါပါတယ် ။ ညီအကိုမောင်နှမတွေ အားလုံး လိမ္မာရေးခြားရှိရလေအောင်ဆိုပြီး အကျင့်ဆိုး ဉာဉ်ဆိုးမှန်သမျှ စေတနာတစ်ယောက် တည်း ရယူပိုဆိုင်ခဲ့ပါတယ် ။ ကျန်တဲ့မောင်နှမတွေ ဆိုးဖို့မကျန်လောက်အောင်ကိုပဲ စေ့စပ် သေချာလွန်းလှတဲ့ စေတနာပဲ ဖြစ်ပါတယ် ။

လူတိုင်းဟာ လောဘ ၊ ဒေါသ ၊ မောဟ နဲ့ မကင်းကြဘူးလို့ ဘုရားဟောရှိခဲ့ မဟုတ်လား ။ ဒီတော့ စေတနာ တစ်ယောက်ငယ်ငယ်တည်းက လိုချင်စိတ်တွေ ဖြစ်ခဲ့ဖူးတာပေါ့ ။ သူများ ဟာဆိုလည်း ကိုယ့်ဟာလို့ပဲ သဘောထားပေးခဲ့တာပေါ့ ။ ဟဲ ဟဲ ဟဲ အမှန်က ကိုယ့်ကိုယ် ကို သူခိုးဉာဉ်ပါတယ်လို့ ပြောချင်ဘူးဗျာ ….

စေတနာတိုတာ ၊ ဝှက်တာများ အမေသိလို့ကတော့ စေတနာတစ်ယောက် သိကြားမင်းရဲ့ ကြိမ်စကြ်ာဘယ်လောက်စွမ်းလဲ ဆိုတာ သဘောကောင်းကောင်းပေါက်ခဲ့ပါတယ် ။ အမေကလေ.. အမေ့အတွက် ယူတာပါလို့ပြောလည်း ဆော်တာပါပဲ ။ ကျွန်တော့်အတွက်ဆို လည်း တီးတာပါပဲ ။ အင်း…စေတနာလည်း ငကြောက်ပဲဟာ ။ နောက်ဘယ်ယူရဲတော့မလဲ ။

ခုဆို စေတနာရှေ့ လက်စွပ်တစ်ကွင်းလာထားရင်တောင် ယူတော့ဘူး ။ ပြန်ပေးရမှာ သေချာ နေတာပဲလေ ။

နောက်တစ်ခုဖော်ပြချင်တာက စကားပြောတာနဲ့ ပက်သက်ပါတယ် ။ စေတနာက ငယ်ငယ် တည်းက ညဏ်ကို လွှာသုံးတတ်ခဲ့ပါတယ် ။ ဘယ်လိုလဲဆိုရင်…

စေတနာငယ်ငယ်က သူများဆဲတာကြားရင် အရမ်းဆဲချင်ခဲ့တာပေါ့ ။ အင်း အမေကလည်း တစ်ခါတစ်လေလေးများတောင် ဆဲခွင့်ပြုမထားဘူးဗျာ ။ အရမ်းရက်စက်တာပဲ ။ ဒီလိုနဲ့ တစ်နေ့တော့ စေတနာ့သူငယ်ချင်းတစ်ယောက်က စေတနာ့ရှေ့မှာ အားရပါးရဆဲတော့လေ။ စေတနာ အရမ်းဆဲချင်ခဲ့တာပေါ့ ။ ဆဲရင်လည်းအမေက ရိုက်ဦးမယ် ။ ကွယ်ရာမှာဆဲရင် သူများမကြားရင် အရသာက ရှိမှာမဟုတ် ။ သူများရှေ့ဆဲမိရင်လည်း ပြန်တိုင်ကြမှာပါ ။ အတို့ အထောင်များတော့ ငယ်ငယ်တည်းက ကြောက်တတ်ခဲ့တာ ။ဒီတော့ပါမစ်ရအောင်ယူခဲ့ပုံက..

ခပ်တည်တည်နဲ့ အမေရှေ့ကိုသွားပါတယ် ။ ပြီးတော့ အမေရေ ဒီကောင်ကတော့ဖြင့် သူများ တကာကို ဒီလိုဒီလိုဆဲပါတယ်ဆိုပြီး သူများဆဲတာပြန်ပြောသလိုနဲ့ စေတနာ့ပါးစပ်က အဆဲ ထွက်ပါတယ် ။ အမေကလည်း စေတနာ့အမေပဲဟာ ။ ဘယ်ရမလဲ ။ တီးတာပေါ့ ။ သူများဆဲ တာပဲဖြစ်ဖြစ် ဒီပါးစပ်က ထွက်ရသလားဆိုပြီး တီးလိုက်တာ တော်တော်လေးအီစိမ့်သွားခဲ့တာ ပေါ့ ။ ဒီလိုနဲ့ စေတနာ တစ်ယောက်လည်း နုတ်ချို လျှိုတစ်ပါးဆိုတဲ့ စကားပုံကို မကျက်ရဘဲ နဲ့ကို အလွတ်ရခဲ့တာပေါ့ ။

အင်းစေတနာ့ အဆိုးဂုဏ်ပုဒ်တွေကို ကြွားလုံးထုတ်ရရင်တော့ ကျမ်းတစ်စောင်ဖွဲ့လို့ရပါတယ် ။ အမေအသေးစိပ် လိုက်ဆူထားတာလည်း တော်တော်လေးကို စဉ်းစားမှ စုံမှာပါ ။ စေတနာ ကလည်း သိပ်မကြွားတတ်ပါဘူးလေ ။ ဒါလေးရေးတာတောင် …

စေတနာတို့ အရွယ်တွေ ခုဆိုမိဘနေရာ ရောက်နေကြပြီလေ ။ စေတနာသာ အချစ်ကံမွဲသူမို့ ဒုံရင်းပဲ ဖြစ်နေတာ ။ ဆိုတော့ သူတို့ကို သိစေချင်တာပါ ။ လိုအပ်တော့ ယူသုံးကြပေါ့ဗျာ ။ ခုတလော ဖြစ်နေကြတဲ့ ရွက်ကြွေမတို့ အဖြစ်မျိုး ၊ ကိုငဆိုး မောင်ငတေတို့ အဖြစ်မျိုးကြား တိုင်းစေတနာလေ နားပူရတဲ့ အမေ့ကို သတိရမိပါတယ် ။

အမေတိုင်း အမေတိုင်းဟာ သားသမီးတိုင်းကို ချစ်ကြပါတယ်ဗျာ ။ ချစ်ကြတဲ့ ပုံစံလေးတွေ သာ ကွဲပြားခြားနားကြတာပါ ။

သြော်…အမေဆိုတာ သားသမီးတွေရဲ့ ဘဝပဲ့ကိုင်ရှင်များပဲ မဟုတ်ပါလားဗျာ ။

စေတနာ

16.05.2009(04း05)