ကြွက်ဖြူလေးများ

ကျွန်တော်က ကြွက်ကလေးပါဗျာ။ ကြွက်ဆိုလို့ရိုးရိုးကြွက်တော့မဟုတ်ဘူးနော် ကြွက်ဖြူဗျ ။ အဆင့်တော့မြင့်တယ်နော် ဖန်လှောင်အိမ်လေးနဲ့နေတာဗျ။ တိတိကျကျပြောရရင် ဓာတ်ခွဲခန်းထဲက ကြွက်ဖြူလေးပါဗျာ။ ကြုံတုန်းဗျာမကျေနပ်တာလေးတွေပြောပါရစေဦး။ လူတွေများပြောပါတယ် တော်တော်ကျေးဇူးကန်းကြတယ်။ ကျွန်တော်တို့ဆွေစဉ်မျိုးဆက် တစ်ခုလုံး ဒီဓာတ်ခွဲခန်းထဲမှာပဲ သူတို့စမ်းသပ်သမျှခံခဲ့ကြရတာဗျ။ ရောဂါတစ်ခုခုကို ကုသဖို့ ဆေးသုတေသနလုပ် ပြီဆိုရင် သေလိုက်ကြတဲ့ ကျွန်တော့်အမျိုးတွေဗျာ။ သောက်သောက်လဲပဲ။ ကျွန်တော်တို့က ဘ၀နဲ့ရင်းပြီး အစမ်းသပ်ခံကြရတာပါဗျာ။ စမ်းသပ်မှူတွေကလည်းဆုံးတယ်ကိုမရှိတော့ပါဘူး။ တခုပြီးတခုမရိုးအောင်ပါပဲ။ ကျွန်တော်တို့လည်း အသက်နဲ့ပဲ ဆိုတာကို ဒီသတ္တ၀ါကြီးတွေမေ့နေကြတယ် ထင်ပါတယ်ဗျာ။ သေစရာရှိရင် ရှေ့ကသေ ကြရတာ ကျွန်တော်တို့လို ကြွက်ဖြူလေးတွေပါ ။ အကျိုးခံစားကြရတော့ သူ တို့ခံစားကြတယ်ဗျာ။ တခါတလေ စဉ်းစားမိတယ်... ဒီလူတွေက ငါတို့ဘ၀ကိုများ ကစားစရာတစ်ခုလောက် ပဲတန်ဖိုးထားသလားလို့ပါ။ ခံစားရတယ်ဗျာ။ အစမ်းသပ်ခံဘ၀ကို သင်း (ဒင်း) တို့တွေနဲနဲလေးလောက်စာနာပေးစေချင်တယ်။
ခုတမျိုးတော်ကြာတမျိုးနဲ့ဗျာ မရိုးနိုင်အောင်ပါပဲ ...တော်တော်စာနာမှူ ကင်းမဲ့ တဲ့လူတွေ။
ကျွန်တော်တို့ဘ၀တွေကို သူ တို့လုပ်ချင်သလိုလုပ်နေကြတော့တာပါပဲ....
လူစကားမပြောတတ်လို့သာ နေ နေ ရတာဗျာ... လူစကားသာ ပြောတတ်လို့ကတော့ ခုပြောခဲ့တာတွေကို ဒီလူတွေကိုအပြတ် ပြော ၊ အပြတ်ကော ပစ် မယ်..
ဒီလူတွေကလည်း ကျွန်တော်တို့ ခံစားတာတွေ ၊ ကျွန်တော်တို့ပြောတဲ့စကားတွေကိုဘယ်တော့မှများနားလည် မယ်မသိ။
ဟော.....ပြောရင်းဆိုရင်းလာပါပြီဗျာ။ ယူနီဖောင်းတွေသန့်သန့်ပြန့်ပြန့်ဝတ်စားပြီး သူတပါးရဲ့ဘ၀တွေကို စမ်းသပ်တော့မယ်....
ဟာ... ကျွန်တော်ဆီကိုလာနေကြပြီ .... ကယ်ကြပါဦး..... ကယ်ကြပါ...

နောက်ဆုံးပြောခဲ့ဦးမယ် ( ..................) နိုင်ငံက ကျောင်းတွေမှာ သင်ရိုးညွှန်းတန်းတွေ ပြောင်းဦးမယ်ဆိုပဲ
လူအချင်းချင်း ..... စမ်းသပ်ခြင်း .... ကင်းရှင်းကြပါစေ.....
လူကကြွက်ကို .... စမ်းသပ်ခြင်း...... ကင်းရှင်းကြပါစေ.....
စာနာစိတ်သွင်း.... အချင်းချင်း..... စည်းလုံးကြပါစေ....

မှတ်ချက် ၊ ၊ မိမိအပါအ၀င် အစမ်းသပ်ခံ ဘ၀များစွာအတွက် ခံစားရေးသားပါသည်။ တိုက်ဆိုင်တာများရှိလျှင်ခွင့်လွှတ်ပါ။ ခွင့်မလွှတ်လဲသဘောပါ။ အမှန်တရားတခုအတွက်နောင်တမရတတ်လို့ပါ။