ဒူဘိုင်းမှာ နာရတဲ့တရားတစ်ပုဒ် (From MID)

သူငယ်ချင်းတစ်ယောက်ရဲ့ ဖိတ်ခေါ်မှုကြောင့် ဒူဘိုင်းကို ရောက်သွားပါတယ်။ ရန်ကုန် မှော်ဘီ ချမ်းမြေ့မြိုင် ကျောင်းက ဆရာတော် ဒူဘိုင်းကို ရောက်နေပြီး တရားပွဲတွေ ကျင်းပကြပါတယ်။ အိမ်တွေကလည်း ဆရာတော်ကို ပင့်ပြီးဆွမ်းတွေကပ်ကြ၊ လှုကြတန်းကြပေါ့လေ။ ဒီတော့ ဆွမ်းကပ်တဲ့ပွဲလေးကို အမီလာဖို့ သူငယ်ချင်းကခေါ်ပါတယ်။ ကျန်တဲ့သူတွေနဲ့ မိတ်ဆက်ပေးရ အောင်လည်းပါတာပေါ့။ ကျွန်တော့်အတွက်က ရေခြားမြေခြားမှာ ရဟန်းတော်တစ်ပါးကို ဖူးတွေ့ရတာနဲ့တင် မင်္ဂလာရှိနေပါပြီ။ အထူးသဖြင့် ရဟန်းတော် တွေအတွက် ဗီဇာခက်တဲ့ ဒီလိုနိုင်ငံမှာပေါ့။

ဆရာတော်ကို ဆွမ်းကပ်ပြီး ဆရာတော်ရဲ့သဘောထား ကြီးကြီးနဲ့ ခွင့်ပြုမှုကြောင့် ပရိတ်သတ်ကို ထမင်းကျွေးပါတယ်။ ဟင်းတွေကကောင်းလို့ စီစဉ်လှူတန်းသူတွေကို ကျေးဇူးတင်ရပါတယ်။ ပြီးတော့ ဆွမ်းအနုမောဒနာ တရားဟောပါတယ်။ ဆရာတော်က သီလပေးပြီးတဲ့အခါ “ဒီမှာ အိမ်တွေလှည့် တရားဟောရတာ များလို့ တရားမထပ်အောင်ဟောပေးပါမယ့်”လို့ အစချီပြီး တရားတစ်ပုဒ်ဟောပါတယ်။ (တရားတော်က ပိုက်ဆံရှာနေသူများအတွက်တိုက်ရိုက်လိုမို့ မှတ်မိသမျှ မျှဝေပါတယ်။ ပါဠိလိုတော့ မမှတ်မိပါဘူး။ နည်းနည်းတိမ်းစောင်းသွားရင်လည်း ကျွန်တော့်ရဲ့ အမှတ်မှားမှု အပြစ်ကိုပဲ ခွင့်လွှတ်ပေးပါ။) တရားကတော့ မြတ်စွာဘုရားက ပိုက်ဆံရှိခြင်း(၀ါ) ချမ်းသာခြင်းကြောင့်ရတဲ့ အကျိုးကျေးဇူး ၅ ခုရှိတယ်လို့ တရားတော်တစ်ခုမှာ ဟောပါတယ်တဲ့။ အဲဒီ အကျိုးတွေက

( ၁ ) မိမိကိုယ်တိုင် ကောင်းကောင်းမွန်မွန်နေရမယ်။

( ၂ ) မိမိ မိဘများကို ကောင်းစွာလုပ်ကျွေး ပြုစုနိုင်မယ်။

( ၃ ) မိမိသားသမီး ဆွေမျိုးများကို ထောက်ပံ့ပြုစုနိုင်မယ်။

( ၄ ) မိမိရဲ့ အဆွေခင်ပွန်းများ၊ အကူအညီလိုအပ်သူများကို ကောင်းစွာထောက်ပံ့နိုင်မယ်။

( ၅ ) ရဟန်း သံဃာများကို အလှုအတန်းပေးထောက်ပံ့ နိုင်မယ်။

( ဆရာတော်ကတော့ ဥပမာနဲ့ တစ်ခုခြင်းပြန်ရှင်းပါတယ်။ ကျွန်တော်ကတော့ အားလုံးအလွယ်တကူ နားလည်နိုင်တာမို့ ကျော်ခဲ့ပါ့မယ်။)

ဒီတော့ မြတ်စွာဘုရားက ပိုက်ဆံရှိခြင်းဟာ ကောင်းကျိုးတွေ ရှိတယ်ဆိုတာ အတည်ပြုပြောခဲ့ သလို ပါပဲ။ ဒီတော့ ငွေကို ဘယ်လိုရှာကြမလဲ။ ငွေရှာနည်း စီးပွားရှာနည်းကိုတော့ နောက်ထပ်တရားတစ်ခုနဲ့ ဟောခဲ့ပါတယ်တဲ့။ လောကမှာ လူပေါင်းမြောက်များစွာရှိပေမယ့် အစုအားဖြင့် ၃ စုပါပဲတဲ့။

ပထမ တစ်စုက စုံလုံးကန်း သူတွေ၊ ဒုတိယက က တစ်ဖက်ကန်း တွေ ၊ တတိယ အစုက မျက်စေ့ နှစ်လုံးစလုံးမြင်သူတွေ လို့ ၃ စုပဲ ရှိပါတယ်တဲ့။ မျက်စေ့ဆိုတာ သာမန် အသားမျက်စေ့ကို ဆိုလိုတာ မဟုတ်ပါဘူး။ ဉာဏ်မျက်စေ့ကို ဆိုလိုတာပါ။ စုံလုံးကန်းဆိုတာ - စီးပွားရေးမျက်စေ့ရော၊ ဘာသာရေး(ကုသိုလ်ရေး) မျက်စေ့ပါ ကန်းသူတွေပါတဲ့။ သူတို့တွေကတော့ စီးပွားရေးမျက်စေ့ မရှိရှာလို့ ယခုဘ၀မှာလည်း မပြည့်စုံ၊ ဒါကြောင့် အပေါ်က ပြောခဲ့တဲ့ ချမ်းသာခြင်းအကျိုးတွေ မရ၊ ကုသိုလ်ရေးလုပ်ဖို့ မသိတော့ သံသရာအတွက်လည်း မကောင်း ဖြစ်ရပါတယ်တဲ့။ တစ်ဖက်ကန်းကတော့ - စီးပွားရေးမျက်လုံးရှိပြီး ဘာသာရေး မျက်လုံးမရှိရှာတော့ ချမ်းသာအောင်တော့ လုပ်ပါရဲ့ ချမ်းသာအောင်လုပ်တဲ့ နည်းလမ်းတွေက မှန်တာတွေရော၊ မမှန်တာတွေရောပါပြီး အကုသိုလ်လုပ်မိရင် သံသရာအတွက် အကျိုးနည်းပါလိမ့်မယ်။ နှစ်ဘက်စလုံး မြင်သူတွေကတော့ စီးပွားရေးလည်း ကောင်း၊ ဘာသာရေးလည်းနားလည်ဆိုတော့ အကုသိုလ်ဖြစ်မှာတွေ ရှောင်ပြီးလုပ်ကိုင် စီးပွားရှာတဲ့အတွက် ပစ္စုပ္ပန် သံသရာ နှစ်ဖြာ အကျိုးရှိပါတယ်တဲ့။ ဒါကြောင့် မျက်လုံးနှစ်လုံးစလုံးမြင်အောင် ကျင့်ကြံကြဖို့ သတိပေးပါတယ်။

အခုခေတ် အခုအခါမှာ လိုချင်စရာတွေ၊ ဂုဏ်တုဂုဏ်ပြိုင်တွေ များလွန်းလို့ ကိုယ့်ရှိတာလေးနဲ့ ရောင့်ရဲ့ လောဘ သတ်နိုင်မှ နေရေးစားရေး ချမ်းသာမယ်။ လိုချင်တာတွေနောက်လိုက်ရင်း အမြင့်ကို မျှော်ပြီးလိုက်နေရင် ဘယ်တော့မှ မငြိမ်းချမ်းနိုင်တော့တဲ့အတွက် ကိုယ့်ဒုက္ခ ကိုယ်ရှာသလိုဖြစ်ပါမယ်တဲ့။ ဒီလို လောဘတဏှာကို ငြိမ်းအောင်လုပ်ဖို့ ၀ိပဿနာဆိုတဲ ဆေးတော်ကြီးရှိတဲ့အတွက် ချက်ချင်းသောက် ချက်ချင်းသက်သာ ပျောက်ကင်းနိုင်တာမို့ ဒီဆေးရှိနေတယ်ဆိုတာ မမေ့ကြဖို့ သတိပေးခဲ့ပါတယ်။ ၀ိပဿနာနည်းတွေက တော့ ချမ်းမြေ့၊ မဟာစည်၊ မိုးကုတ် စတဲ့ နည်းလမ်းအသွယ်သွယ် ရှိနေတာမို့ လက်လှမ်းမီသလို သုံးဆောင်ဖို့ တိုက်တွန်းခဲ့ပါတယ်။ (ဆရာတော်က ကောင်းသောစီးပွားရှာနည်းတွေကို သက်ရှိလူပုဂ္ဂိုလ်များနဲ့ ဥပမာဆောင်သွားပါတယ်။ တရားရှာ ချက်ချင်းရနိုင်ကြောင်းကို လည်း အလှမာန်ကြီးတဲ့ ခေမာမိဖုရား၊ ကြမ်းတမ်းသတ်ဖြတ်ခဲ့တဲ့ အင်္ဂုလိမာလ တို့ကို နမူနာပြ ရှင်းခဲ့ပါတယ်။) ဒီတရားဟာ ပြည်တွင်း ပြည်ပမှာ စီးပွားရှာကြသူ လူငယ်အပေါင်း (ဘယ်ဘာသာဝင် ဖြစ်ဖြစ် ) တို့အတွက် တွေးစရာမို့ ဒီနေရာမှာ မျှဝေလိုက်ပါတယ်။ ဒူဘိုင်းရောက် မြန်မာတွေကလည်း စည်းစည်းလုံးလုံး နဲ့ အချင်းချင်းရိုင်းပင်းရအောင် ဖိုရမ်လေးလုပ်ထားပါတယ်။ မသိသေးရင် သိရအောင် အောက်မှာ လင့်ခ်ပေးထားပါတယ်။

http://myanmar-in-dubai.ning.com/

ကျွန်တော်ကို ဖိတ်တဲ့သူငယ်ချင်းကိုရော၊ ဆွမ်းကပ်တဲ့ အိမ်ရှင်ကိုပါ ကျေးဇူးတင်ကြောင်း ထပ်ပြောချင်ပါတယ်။

Credit to : Myanmarcupid.net

မိတ်ဆွေတစ်ယောက် e-mail ကတစ်ဆင့် ပို့ ပေးလာတဲ့ Post လေးတစ်ခုပါ။ သာဓုခေါ်ရအောင် မျှဝေလိုက်ပါတယ်။

လေးစားစွာဖြင့်

MID