သို့ ပြီးတကား၊ သင်သေသွားသော်
သင်ဖွားသောမြေ၊ သင်တို့မြေသည်
အခြေတိုးမြှင့်၊ ကျန်ကောင်းသင့်၏
သင်၏ မျိုးသား၊ စာစကားလည်း
ကြီးပွားတက်မြင့်၊ ကျန်ကောင်းသင့်၏
ဆရာဇော်ဂျီ
တစ်ချိန်က ဆရာဇော်ဂျီရဲ့ ´သင်သေသွားသော်´ ဆိုတဲ့ ကဗျာထဲက အပိုဒ်ကလေးတစ်ပိုဒ်ကို ကြိုက်တာနဲ့ ကူးယူထားမိတာပါ။ ဆရာဇော်ဂျီရဲ့ ကဗျာမှာပါတဲ့ စကားလုံးတိုင်းဟာ အလွန်ကိုတန်ဖိုးရှိပြီး မှတ်သားဖွယ် ကောင်းပါတယ်။ ကျွန်တော်တို့တွေ သေဆုံးသွားပြီးနောက်ပိုင်း ကျွန်တော်တို့ရဲ့ ဘ၀၊ ကျွန်တော်တို့ရဲ့ ပတ်ဝန်းကျင်ကို ဘာတွေများ ပြောင်းလဲအောင် လုပ်ပေးနိုင်ခဲ့သလဲဆိုတာ သိစေချင်တာပါ။ ကျွန်တော်တို့က လူငယ်တွေပဲလေ။ လူကြီးတွေလည်း ရှိမှာပေါ့။ ကျွန်တော်တို့ လက်ရှိအချိန်မှာ တတ်စွမ်းနိုင်သလောက် ပတ်ဝန်းကျင်အတွက် ကျွန်တော်တို့ ဘယ်လောက်များ ကောင်းအောင် လုပ်ပေးခဲ့သလဲ။ ကျွန်တော်တို့ ဘာတွေများ ဆုတ်ယုတ်အောင် လုပ်ခဲ့သလဲ။ ကျွန်တော်တို့တွေ ကျွန်တော်တို့လူမျိုးအတွက် ကြိုးစားကြရအောင်လား။
နောက်ကဗျာလေးတစ်ပုဒ်ကလည်း အပိုင်းအစလေးတစ်ခုပါပဲ။
ငါသေသွားရင်
ငါ့အသားကို ခွေးကျွေးလိုက်စမ်းပါ
ငါ့အသားကို ခွေးတောင်မှ မစားရင်ဖြင့်......
ဒီကဗျာလေးက မော်ဒန်ကဗျာလေးတစ်ပုဒ်ပါ။ ရေးတဲ့သူရဲ့ နာမည်ကိုတောင် မမှတ်မိတော့ဘူး။ ကျွန်တော် အရမ်းကြိုက်တဲ့ ကဗျာလေးပါပဲ။ ကျွန်တော်တို့ အသက်ရှင်နေသေးတဲ့ကာလအတောအတွင်းမှာ ကျွန်တော်တို့အတွက်ရော၊ ပတ်ဝန်းကျင်အတွက်ရော ဘယ်တွေများ အသုံးကျခဲ့သလဲ။ ကျွန်တော်တို့ကိုယ်တိုင် ပတ်ဝန်းကျင်အတွက် အကျိုးပြုတဲ့သူ၊ အသုံးကျတဲ့သူရော ဖြစ်ပြီလား။ လမ်းဘေးမှာ လေလွင့်နေတဲ့ ခွေးက အလေအလွင့်တွေကို ရှာဖွေစားသောက်တတ်ပြီး ကျွန်တော်တို့ သေသွားတဲ့အခါ ကျွန်တော်တို့ ကိုယ်ခန္ဓာက ဘာမှ အသုံးမ၀င်တော့ပါဘူး။ အဲဒီ အသုံးမ၀င်တော့တဲ့ ခန္ဓာကိုယ်အလေအလွင့်ကြီးကို လမ်းဘေးမှာ လွင့်နေတဲ့ခွေးတောင်မှ စက်ဆုပ်တယ်ဆိုရင်...........
ဒီကဗျာလေးနှစ်ပုဒ်က ကျွန်တော့်ဘ၀ကို အများကြီး ပြောင်းလဲစေခဲ့ပါတယ်။ ကျွန်တော်တို့တွေ အများကြီး ကြိုးစားရဦးမှာပါ။ ကျွန်တော်တို့ ဖြတ်သန်းလာခဲ့ရတဲ့ ဘ၀တစ်လျှောက်မှာ ကျွန်တော် ဘာတွေကိုများ အကောင်းဆုံး လုပ်နိုင် ခဲ့သလဲ။ ဘာတွေကိုများ ဆုတ်ယုတ်အောင် လုပ်ခဲ့သလဲ။ ကျွန်တော်တို့တွေဟာ ပတ်ဝန်းကျင်ကို ပြောင်းလဲအောင် မကြိုးစားပါနဲ့ဦး။ ကျွန်တော်တို့ကိုယ်တိုင် ပတ်ဝန်းကျင်အတွက် ဘယ်လောက်အသုံးကျတဲ့သူဖြစ်နေပြီလဲဆိုတာကိုပဲ အရင်ဆုံး ကြိုးစားကြည့်ရမှာပါ။ ကျွန်တော်တို့ ပြောတဲ့စကားတစ်ခွန်း၊ ကျွန်တော်တို့လုပ်တဲ့ လုပ်ရပ်တစ်ခုဟာ ကျွန်တော်တို့ လူမှုပတ်ဝန်းကျင်အတွက် အဆိုးမဖြစ်ဖို့ လိုပါတယ်။ ကျွန်တော် စဉ်းစားမိတာလေးတစ်ခုရှိတယ်။ အဲဒါက ဘာလဲဆိုတော့ ´ဗုဒ္ဓက သူ့ပတ်ဝန်းကျင်ကို မပြောင်းလဲခဲ့ပါဘူး၊ ဗုဒ္ဓရဲ့ အတွေးအမြင်၊ အတွေးအခေါ်၊ သူ့ရဲ့ အပြုအမူတွေ၊ သူ ပြောခဲ့တဲ့ စကားတွေကြောင့်သာ သူ့ပတ်ဝန်းကျင်ဟာ ပြောင်းလဲသွားတာပါ။´ဒါကတော့ ကျွန်တော့်အမြင်ပေါ့။
အသက်သေဆုံးသွားပြီး နာမည်မသေဆုံးသေးခဲ့တဲ့ လူတွေဟာ သူ့ဘ၀ပတ်ဝန်းကျင်ကို အများကြီး ပြောင်းလဲအောင် လုပ်ခဲ့နိုင်စွမ်းရှိတဲ့သူတွေပါ။ အဆိုးတွေရော၊ အကောင်းတွေရောပေါ့။ ဂဠုန်ဦးစောလည်း အဆိုးနဲ့ နာမည်ကြီးခဲ့တာပဲ။ အခုထိ သူ့ကို လူတိုင်းသိနေတာပဲ။ ဗိုလ်ချုပ်အောင်ဆန်းလည်း တိုင်းပြည်အတွက် အများကြီးလုပ်ခဲ့တာပဲ။ ဒါကြောင့် သူ့ကိုလည်း လူတိုင်း အမှတ်ရနေတာပါပဲ။ ကျွန်တော်တို့တွေ သူတို့လောက် မလုပ်နိုင် သေးရင်တောင်မှ ကျွန်တော်တို့ မရှိတော့တဲ့အခါ၊ ကျွန်တော်တို့ သေဆုံးသွားတဲ့အခါ ကျွန်တော်တို့ ပတ်ဝန်းကျင်က ကျွန်တော်တို့ကို အမြဲတမ်း ကောင်းသောအမှတ်ရခြင်းမျိုးနဲ့ အမှတ်ရနေအောင် ကြိုးစားခွင့် ရှိနေကြပါသေးတယ်။ ကြိုးစားကြပါစို့ ။
နွေးထွေးစွာဖြင့်
နွေးထွေးစွာဖြင့်
ဇေယျာဦး
4 comments:
နှစ်သက်လေးစားမိတဲ့ ပို့ စ် တစ်ခုပါပဲ။ ကျွန်တော်တို့  အားလုံးမှာ အားလုံးတူညီတဲ့ အချက်တစ်ခုက အားလုံးတစ်နေ့ နေ့  သေဆုံးကြရမှာပါပဲ။ ဒါပေမယ့် မသေဆုံးကြခင် ဘယ်လိုအသက်ရှင်သန်သွား မယ်ဆိုတာကတော့ တစ်ဦးချင်းဆီရဲ့ ရွေးချယ်မှုများအလိုက် အမျိုးမျိုး (တစ်ခါတစ်ရံ အံ့ဩရလောက်အောင်) ကွဲပြားသွားကြပါတယ်။ ဒါပေမယ့် ဒါကို သေသေချာချာ လေးလေးနက်နက် စဉ်းစားပြီးမှ ရွေးချယ်သွားတဲ့ သူတွေကတော့ အတော့်ကို ရှားလိမ့်မယ် ထင်ပါတယ်။ တစ်ချို့ လည်း မတော်တဆ၊ တစ်ချို့ လည်း တစ်ခုခုရဲ့ လွှမ်းမိုးခံရလို့ ၊ တစ်ချို့ ကျတော့လည်း..ဖာသိဖာသာ.. ရွေးချယ်မိတတ်ကြတာမျိုးတွေပဲ များပါတယ်။ ဒီပို့ စ်လေးကတော့ ဒါကိုသတိပြုမိစေပြီး မိမိကိုယ်ကို ပြန်လည်သုံးသတ်ပြင်ဆင် လာကြစေနိုင်မယ်လို့  ယုံကြည်မိပါတယ်။
လေးစားစွာဖြင့်
LMK
တွေးဆဆင်ခြင်စရာတစ်ခုပါ။ လျှောက်ခဲ့ဖူးသောလမ်းများကို ပြန်လည်မြင်ယောင်လာစေပါတယ်။
ကျေးဇူးပါ
အောင်စည်ဟိန်း
အရေးအသား ၊အကြောင်းအရာ
နှစ်မျိုးစလုံးကို လေးစားစွာမှတ်သားလိုက်ပါ၏ ။
စေတနာ
အရမ်း တန်ဖိုးရှိတဲ့ ပိုစ့်လေးပါ။
ကိုယ်မရှိတော့တဲ့နောက် ကျန်ရစ်ခဲ့မဲ့ ကိုယ့်သမိုင်း အတွက် မှန်ကန်စွာရွေးချယ်နိုင်ဖို့ ၊ ကိုယ်ရှိနေသေးတဲ့ ဒီခဏလေး အခိုက်အတန့်မှာ ကိုယ်ကိုယ်တိုင် လူ့ပတ်ဝန်းကျင်အတွက် ဘယ်လိုလျှောက်လှမ်းခဲ့လဲ၊ ဘယ်လိုဆက်လျှောက်မှာလဲ၊ ဘယ်လိုဆက်လျှောက်သင့်လဲ?......
အင်း.... ဟုတ်ပါရဲ့နော်။
ပြန်ပြီး ဆင်ခြင်၊ ပြင်ဆင်ချိန်ရအောင် ကူညီတဲ့ ကိုဇေယျာဦးကို ကျေးဇူးအများကြီးတင်ပါတယ်။
Post a Comment