ဆရာ့ဆုံးမစကား

ကျွန်တော် တို့ အမျိုး က ယောက်ျားလေး အများကြီး မွေးတယ်ဗျ။ ကျွန်တော် တို့ အဖိုးမှာ ညီအစ်ကို တွေချည်းပဲ ၉ ယောက် ။ မိန်းခလေးမပါဘူး။ အဖိုး ရဲ့ သားသမီးတွေထဲမှာတော့ ကျွန်တော့် အမေရယ် ၊ အဒေါ်ရယ် မိန်းခလေး နှစ်ယောက်ပါလာတယ်။ ကျန်တာတွေ က ယောက်ျားလေးတွေချည်းပါပဲ ။

အဲ ကျွန်တော် တို့ ကျတော့ ညီ အစ်ကို ၅ ယောက် ၂ ယောက် က ငယ်ငယ်လေး မှာ ဆုံးသွားတော့ ခု ညီအစ်ကို ၃ ယောက်ပေါ့။ ၀မ်းကွဲ တွေ က လည်း အားလုံး ညီတွေ ချည်းပဲ ။ ညီမ ကို မရှိတာပါ။

ဘယ်လောက်တောင် မိန်းခလေး ရှားတဲ့ အမျိုးလည်းဆိုတော့ ကျွန်တော်တို့ ကို ရှင်ပြု တော့ အမျိုးတွေ ထဲမှာ နားသ အတွက် ထည့်စရာ မိန်းခလေး မရှိလို့ အဖေ့ သူငယ်ချင်းရဲ့ သမီးတွေကို ရှင်ပြုပွဲမှာ နားသ လုပ်ခိုင်းရတဲ့ အထိပဲ။

အိမ်ကို ယောက်ျားလေး ဧည့်သည် လာတယ်ဆိုရင် တော့ အေးဆေးပါ။ အဲ .. မိန်း ခလေး သူငယ်ချင်းတွေ လာလည်တာ တို့ မိန်းခလေး ဧည့်သည်လာလည် တာဆိုရင်တော့ ကျွန်တော်တို့ အိမ်မှာ နေရခက်လိမ့်မယ်။ တဆွေလုံး တမျိုးလုံး ယောက်ျားတွေချည်းပဲ လေ။

အဲ ဒီလို နေလာတဲ့ ကျွန်တော်တို့ ကို ကျွန်တော့် အစ်ကို ကြီး ရဲ့ ဆရာ ( ပါမောက္ခ တစ်ဦးပါ) ကျွန်တော်တို့ ကို ဆုံးမဖူးတဲ့ စကား ကလေး ကို ကျွန်တော့် တစ်သက် မှတ်မိနေမှာမို့ ပြန်လည်မျှဝေပေးလိုက်ပါတယ်။ ဒီစကား ကို ကိုလွင်မင်းခန့် နဲ့ စကားပြောတော့ ထည့်ပြောမိရာ က သူလည်းမှတ်မိနေတယ်။ ဒါကြောင့် တခြားသူတွေကို လည်း မျှဝေပေးချင်တဲ့ စိတ်ကလေး ဖြစ်လာလို့ပါ။

ကျွန်တော် တို့ အနေနဲ့ ဆို မိန်းခလေးတွေကို နှမ သားချင်းစာနာပါကွာ လို့ပြောရင် .. ဟား တိုက်လို့တောင် ရယ် လိုက်ချင်တယ်။ နှမ လည်း မရှိ အစ်မ လည်း မရှိ မို့ ဘာမှ နှမသား ချင်း မစာနာတတ်ဘူးလို့ ကပ်ဖဲ့ပြောလို့ ရပါတယ်။

ငယ်ငယ်တုန်းက ဆို သူငယ်ချင်းတွေ ကို ယောက်ဖ လိုက်ခေါ်ရတာ ကို အရမ်း လျှာ အရသာ ရှိခဲ့တဲ့ကောင်ပေါ့ဗျ။ ကိုယ့်ကို ပြန်ခေါ်လို့မှ မရတာလေ။

ဒီဆရာ ကဘာပြောလည်းဆိုတော့ မင်းတို့ မှာ နှမ တွေ အစ်မ တွေ မရှိဘူးဆိုတော့ နှမသားချင်း ကိုယ်ချင်းစာပါလို့ ပြောဖို့ ခက်မယ်တဲ့ ။ မင်းတို့ မှ မဟုတ်ပါဘူး နှမတွေ အစ်မတွေ မရှိတဲ့ သူ အများကြီးပါတဲ့။ ဒါပေမယ့် လောကမှာ အမေ မရှိတဲ့လူတော့ မရှိနိုင်ဘူးတဲ့။ အမေ မရှိဘဲ လူတစ်ယောက် လူ့လော ကထဲရောက်မလာနိုင်ဘူး။

ဒါကြောင့် မင်းတို့ မိန်းခလေးတွေ အပေါ်မှာ အမေ ချင်း ကိုယ်ချင်းစာ တဲ့ စိတ်မွေးပါတဲ့

ကိုယ့် အမေ ငယ်ငယ်တုန်း က ဒီလို မစာမနာ လုပ်တာ ကို ခံခဲ့ရဘူးတယ် လို့ မင်းတို့သိခဲ့ရင် မင်းတို့ ဘယ်လို ခံစားရမလဲတဲ့။ အဲလို အစော်ကား ခံခဲ့ရဖူးတဲ့ မိန်းခလေး ရဲ့ သားနေရာ က နေ အမေချင်းကိုယ်ချင်းစာပါတဲ့။

ဆရာဆုံးမ သွားခဲ့တဲ့ စကားလေးပါ။ အမေချင်း ကိုယ်ချင်းစာပါတဲ့

လောက မှာ အမေ မရှိတဲ့ သူ ဆိုတာ လုံးဝ မရှိနိုင်ပါဘူး။ လောက မှာ အသေချာဆုံး သွေးအရင်း က အမေ ကလွဲပြီး ဘယ်သူ ရှိနိုင်မှာ လဲ ။ ကိုယ့် အဖေ ဘယ်သူ လည်း ဆို တာ ကို တော့ အမေ ကလွဲပြီး ဘယ်သူ က ပိုသိနိုင်မှာလဲ ။ ဟုတ်ဖူးလား ။

ဒါကြောင့် ညီအစ်ကို သူငယ်ချင်းတို့ ရေ ..

မိန်းခလေးတွေ အပေါ်မှာ နှမ ချင်း ၊ အစ်မချင်း ကိုယ်ချင်း မစာတတ်ခဲ့ရင်တောင် အမေချင်း ကိုယ်ချင်းစာပါ။ အဲ .. အမေ ချင်း ကိုမှ ကိုယ်ချင်း မစာနိုင်ပါဘူး လို့ ကပ်ဖဲ့ လာရင်တော့လည်း ကိုယ့်ကိုယ် ကို ဘာကောင် ဖြစ်သွားလဲ ဆိုတာ စဉ်းစား သာကြည့်ပေတော့။

ကဲ .. ဗျာ

အမေချင်း ကိုယ်ချင်းစာတဲ့ စိတ်ကလေးတွေ မွေးမြူနိုင်ကြပါစေ ။ ။

ကမ္ဘာပေါ်က အမေများအား လုံး ကျန်းမာ ကြပါစေ . . .

လေးစားစွာဖြင့်

နေစိုးနိုင်