ဒီတစ်ခါ ဘာစားစရာ ပါလိမ့်

လက်ရှိ အစိုးရ တက်စကာလတုန်းက ဆိုပါတော့။ အဲဒီတုန်းက ကာကွယ်ဝန်ကြီးဌာနက တပ်မတော်အရာရှိကြီးတွေနဲ့ အစိုးရအဖွဲ့ကို အရေးပေါ် ဖွဲ့ခဲ့ရတာဆိုတော့ တချို့ ဗိုလ်ချုပ်ကြီးတွေဆို ၀န်ကြီးဌာန လေးခုလောက်ကို ကိုင်တွယ်ဦးဆောင်ရတယ်။ အဲဒီတုန်းက လေးဌာန၀န်ကြီးတို့ နှစ်ဌာန၀န်ကြီးတို့ စသဖြင့် အခေါ်အဝေါ်တွေက ခေတ်စားလှတယ်။ အခုပြောမှာကတော့ လေးဌာန၀န်ကြီး ဗိုလ်ချုပ်ကြီးတစ်ဦးနဲ့ သူရဲ့ လုံခြုံအရာရှိ တစ်ဦးတို့ရဲ့ ဖြစ်ရပ်မှန်တစ်ခုပါ။ အခုတော့ အားလုံး အငြိမ်းစားတွေ ဖြစ်ကုန်ကြပါပြီ။


ဒီလိုဗျ။ တပ်မတော်အကြီးအကဲအဖြစ်နဲ့ တပ်ရင်းတပ်ဖွဲ့တွေကို အုပ်ချုပ်ရာကနေ ဗြုန်းဆို လေးဌာန၀န်ကြီးဖြစ်လာတော့ ဗိုလ်ချုပ်ကြီးခင်ဗျာလည်း တော် တော်ကို အရပ်ဖက်အုပ်ချုပ်မှုမှာ အံ့ဝင်ခွင်ကျဖြစ်အောင် ကြိုးစားရသလို သူ့နောက်က သူရဲ့ ကိုယ်ရေးအရာရှိတွေလည်း လိုက်လုပ်ကြရ ပြန်တာပေါ့။ ဒါပေမယ့် အရပ်နဲ့တပ်ဆိုတာက တော်တော်ကို ကွာခြားတဲ့ နေရာတွေ ရှိလေတော့ ဗိုလ်ချုပ်ကြီးလည်း ဌာနဆိုင်ရာ လုပ်ငန်းတွေကို ကျွမ်းကျင်တဲ့ အရပ်သားတစ်ဦးကို ကိုယ်ရေးအရာရှိခန့်။ တပ်က ပါလာတဲ့ အရာရှိကို လုံခြုံရေးအရာရှိ အဖြစ် ထားရတာပေါ။ တစ်ရက်တော့ နိုင်ငံရပ်ခြားက ဧည့်သည်တွေကို ဗိုလ်ချုပ်ကြီးက ဧည့်ခံရတယ်။ အဲဒီမှာ ဇာတ်လမ်းက စတာပဲ။ ဒီလို နိုင်ငံခြားသားတွေကို ဧည့်ခံရမှာ အစီအစဉ်တကျဖြစ်အောင်လုပ်ပေးတတ်တဲ့ အရပ်သား အရာရှိက ခွင့်ယူထားတာကြောင့် တပ်က အရာရှိက တာဝန်ယူရတာပေါ့။ ထူးထူးခြားခြား ဗိုလ်ချုပ်ကြီးက ဧည့်သည်တွေကို မြန်မာအစားစာတွေနဲ့ ဧည့်ခံချင်သတဲ့။ ဒါနဲ့ စီစဉ်ပေးရတာပေါ့။ ပြီးတော့ ဒီအစားအစာတွေကို မိတ်ဆက်ပေးဖို့ ဌာနထဲက ပြောတတ်ဆိုတတ်တဲ့ လူတစ်ယောက်ပါ ခေါ်ထားရတာပေါ့။ အဲ ပြောဖို့မေ့နေလို့။ အဲဒီ ဗိုလ်ချုပ်ကြီးကိုင်တွယ်တဲ့ လေးဌာနထဲမှာ လယ်ယာစိုက်ပျိုးရေးလည်း ပါတယ်ဗျ။ အခုလာတာက နိုင်ငံတကာက လယ်ယာစိုက်ပျိုးရေးနဲ့ ပတ်သက်တဲ့ အဖွဲ့အစည်းက လူတွေပါ။ ဒါနဲ့ တိုတိုပြောရင် ဗိုလ်ချုပ်ကြီးအမိန့်အတိုင်း မြန်မာအစားစာတွေကို တစ်ခုပြီးတစ်ခု တည်ခင်းဧည့်ခံတာပေါ့လေ။ မုန့်လက်ကောက်တို့၊ မုန့်ကျွဲသဲတို့ မုန့်ကြာစေ့တို့ စသဖြင့်ပေါ့လေ။ လုံခြုံရေးအရာရှိခင်ဗျာလည်း အစားဝင်တာဝန်ထမ်းရတာမို့ မလစ်မဟင်းရအောင် တပည့်တစ်ပန်းတွေနဲ့ အထူးကို ဂရုစိုက်ရတာပေါ့လေ။ မှားခဲ့ယွင်းခဲ့ရင် ဒါလေးတောင် အဖြစ်ရှိအောင်မလုပ်တတ်ဘူးဆိုပြီး အပြောခံရမှာ မဟုတ်လား။ ဒီအချိန်မှာ ဧည့်သည်တစ်ယောက်က ဗိုလ်ချုပ်ကြီးကို စာလေးတစ်စောင် ထုတ်ပြပါတယ်။ ဗိုလ်ချုပ်ကြီးလည်း ဖတ်မယ်လုပ်တော့ စာကြည့်မျက်မှန်က ပါမလာဘူး ဖြစ်နေတယ်။ ဒါနဲ့ ဗိုလ်ချုပ်ကြီးလည်း လုံခြံရေးအရာရှိကို လှမ်းခေါ်ပြီး မျက်မှန်ယူခဲ့ဖို့ ပြောရတာပေါ့။ လုံခြုံရေးအရာရှိကလည်း သူ့တပည်တစ်ယောက်ကို ဗိုလ်ချုပ်ကြီးရုံးခန်းထဲက စာကြည့်မျက်မှန်ယူလာခဲ့ဖို့ အမိန့်ပေးလိုက်တယ်။ ခဏနေတော့ သူ့တပည့်က လုံခြုံရေးအရာရှိကို သတင်းပို့တယ်။ ဗိုလ်ချုပ်ကြီးစားပွဲပေါ်မှာ စာကြည့်မျက်မှန်တွေက ငါးလက်တောင်တွေ့တယ်တဲ့။ အဲဒါဘယ်ဟာယူခဲ့ရမလဲလို့ သတင်းပို့တာပါ။ ဒါနဲ့ လုံခြုံရေးအရာရှိကလည်း “တယ်အတယ်ကောင် တွေ့တာအကုန်သာယူလာခဲ” လို့ ပြောရတာပေါ့။ မျက်မှန်တွေ ယူလာတဲ့ သူတပည့်လဲလာရော လုံခြုံရေးအရာရှိခင်ဗျာမှာ ဒီမျက်မှန်တွေထဲက ဗိုလ်ချုပ်ကြီးလက်ရှိတပ်နေတာ ဘယ်မျက်မှန်လဲ ဆိုတာသူကိုယ်တိုင် မသိဘူးဖြစ်နေတယ်။ ထင်တဲ့ မျက်မှန်ကို မှန်းယူသွားလို့ကလည်း မဖြစ်ဘူးလေ။ တော်ကြာမဟုတ်ရင် အဆဲအဆို ခံရဦးမယ်။ ဒီမျက်မှန်တွေကို ဗိုလ်ချုပ်ကြီးဆီ ဘယ်လိုသယ်ရပါ့။ သူတော်တော် စိတ်ညစ်သွားပုံရတယ်။ နောက်တော့ သူလည်း အကြံရပြီး လင်ဗန်းတစ်ခုထဲမှာ မျက်မှန်တွေ ထည့်ပြီး ဗိုလ်ချုပ်ကြီးဆီ ယူသွားမယ်။ ဟိုရောက်ရင် ဗိုလ်ချုပ်ကြီးကိုပေးလိုက်ရင် ဗိုလ်ချုပ်ကြီးက သူတပ်နေကျ မျက်မှန်ကို ကောက်ယူပြီးတပ်လိမ့်မယ်ပေါ့။ သူ့အတွေးကို ပြောပါတယ်။ ဒါနဲ့ အဲဒီလို ဗန်းနဲ့ထည့်ပြီး ခပ်တည်တည်နဲ့ခမ်းမထဲကို ၀င်သွားတော့တာပဲ။ အဲသိအချိန်မှာ မြန်မာမုန့်မျိုးစုံတစ်မျိုးပြီးတစ်မျိုးကျွေးနေတာ လေးမျိုးလောက်ရှိသွားပြီပေါ့။ သူဝင်သွားတဲ့အချိန်မှာ ဧည့်သည်တွေကို အခုကျွေးမယ့် မြန်မာမုန့်အကြောင်းကို အာပေါင်အာရင်းသန်သန် ရှင်းပြနေချိန် ပေါ့ဗျာ။ အဲသလို အချိန်မှာ ကိုရွှေအရာရှိကြီးက ရွှေညဏ်တော် စူးရောက်ပြီး မျက်မှန်တွေထည့်ထားတဲ့ ဗန်းကြီးနဲ့ စားပွဲရှိရာကို လျှောက်လာတဲ့အခါကျတော့ ဧည့်သည်တွေစိတ်ထဲမှာ ဒီတစ်ခါ ကျွေးမယ့်မြန်မာမုန့်က အဆန်းပါလား။ မျက်မှန်တပ်ပြီး စားရတယ်လို့ ထင်သွားပြီး မျက်မှန်တွေ တစ်ယောက်တစ်လက် ၀ိုင်းယူပြီး တပ်လိုက်ကြတယ် ဆိုပဲ။